മദ്യനയത്തില്‍ ബാറുടമകളുടെ മറുപടി സത്യവാങ്മൂലം ഹൈക്കോടതിയില്‍ ഫയല്‍ ചെയ്തു. മദ്യനയം കുത്തകകളെ സഹായിക്കാനാണെന്ന് ബാറുടമകള്‍ ഹൈക്കോടതിയെ അറിയിച്ചു. മദ്യനയത്തില്‍ കോടതിക്ക് ഇടപെടാമെന്നും സത്യവാങ്മൂലത്തില്‍ ചൂണ്ടിക്കാട്ടി.
സര്‍ക്കാര്‍ നിലപാട് വന്‍കിട ഹോട്ടലുകളെ സഹായിക്കാനാണ്. ബാറുടമകളോട് സര്‍ക്കാര്‍ കാണിക്കുന്നത് വിവേചനമാണെന്നും സത്യവാങ്മൂലത്തില്‍ ബാറുടമകള്‍ സത്യവാങ്മൂലത്തില്‍ പറയുന്നു.
കഴിഞ്ഞ ദിവസം സര്‍ക്കാര്‍ സമര്‍പ്പിച്ച സത്യവാങ്മൂലത്തിനുള്ള മറുപടി സത്യവാങ്മൂലമാണ് ബാറുടമകള്‍ ഇന്ന് സമര്‍പ്പിച്ചത്. മദ്യവില്‍പന മൗലികാവകാശമല്ലെന്നും മദ്യനയം ഭരണഘടനാവിരുദ്ധമല്ലെന്നും വ്യക്തമാക്കിയായിരുന്നു സര്‍ക്കാര്‍ സത്യവാങ്മൂലം സമര്‍പ്പിച്ചത്.
