ആറ്റിങ്ങൽ: കഴിഞ്ഞ ദിവസം ലോക്ക് ഡൗണിന് സമാനമായ കോവിഡ് മാനദണ്ഡ നിയന്ത്രണങ്ങൾ ഉള്ള ആറ്റിങ്ങലിൽ അനാവശ്യമായി പുറത്തിറങ്ങിയ 45 പേർക്കെതിരെ പോലീസ് കേസെടുത്തു. ഇവരിൽ നിന്ന് പിഴയും ഈടാക്കി.
വാളക്കാട്, കച്ചേരി ജംഗ്‌ഷൻ, മൂന്നു മുക്ക് തുടങ്ങിയ സ്ഥലങ്ങൾ കേന്ദ്രീകരിച്ചായിരുന്നു പോലീസ് പരിശോധന നടത്തിയത്. കട കമ്പോളങ്ങൾ അടഞ്ഞു കിടന്നു. അത്യാവശ്യം വേണ്ട വാഹനങ്ങൾ മാത്രമായിരുന്നു നിറത്തിൽ ഉണ്ടായിരുന്നത്.
കെ.എസ്.ആർ.ടി.സി യുടെ ആറ്റിങ്ങൽ ഡിപ്പോയിൽ നിന്ന് ആറ് സർവീസുകൾ മാത്രമായിരുന്നു നടത്തിയത്. ഇതിൽ തിരുവനന്തപുരം - കൊല്ലം റൂട്ടിൽ നാല് ഫാസ്റ്റ് പാസഞ്ചർ ബസുകളും രണ്ട് ഓർഡിനറി ബസുകളും മാത്രമായിരുന്നു ഉണ്ടായിരുന്നത്.