അട്ടപ്പാടിയില്‍ ശിശുമരണം; മരിച്ചത് രണ്ടുമാസം പ്രായമുള്ള പെണ്‍കുട്ടി
ശിശുമരണങ്ങള്‍ തുടര്‍ച്ചയായി റിപ്പോര്‍ട്ട് ചെയ്യുന്ന അട്ടപ്പാടി ആദിവാസി കോളനിയില്‍ വീണ്ടും ശിശുമരണം നടന്നു. കരുവടം ആദിവാസി കോളനിയിലാണ് ഇന്നു രാവിലെ മരണം സംഭവിച്ചത്.
കോളനിയിലെ കാര്‍ത്തിക - മുരുകന്‍ ദമ്പതികളുടെ രണ്ടുമാസം പ്രായമുള്ള പെണ്‍കുഞ്ഞാണ് ഇന്നു പുലര്‍ച്ചെ മരിച്ചത്. കുഞ്ഞിന് 3.8 കിലോ ഭാരമുണ്ടായിരുന്നു. അതേസമയം കുട്ടിയുടെ മരണകാരണം വ്യക്തമായിട്ടില്ല. വിഷയത്തെക്കുറിച്ച് അധികൃതര്‍ ഇതുവരെ പ്രതികരിച്ചിട്ടില്ല. കഴിഞ്ഞ മാസവും അട്ടപ്പാടിയിലെ ആദിവാസി കോളനിയില്‍ ശിശുമരണം സംഭവിച്ചിരുന്നു.
