യുഡി‌എഫിന്റെ വിജയം അധികാരവും പണവും മദ്യവുമുപയോഗിച്ച് നേടിയത്: കോടിയേരി
അരുവിക്കര ഉപതെരഞ്ഞെടുപ്പില്‍ യുഡി‌എഫ് നേടിയ വിജയം അധികാരവും പണവും മദ്യവുമുപയോഗിച്ചാണെന്നു കോടിയേരി ബാലകൃഷ്ണൻ. തിരഞ്ഞെടുപ്പ് ഫലം പാർട്ടി വിശദമായി പഠിക്കും. ജാതിമത ശക്തികൾ ചേരിതിരിഞ്ഞു. ഇതൊരു മുന്നറിയിപ്പാണ്. ഇതിനെതിരെ കേരളം ജാഗ്രത പാലിക്കണമെന്നും കോടിയേരി.
സാമുദായിക ശക്തികളെ വിലയ്ക്കെടുത്തു നേടിയ വിജയമാണ് യുഡി‌എഫിന്റേതെന്നാണ് സിപിഎം പൊളിറ്റ് ബ്യൂറോ അംഗം പിണറായി വിജയൻ പറഞ്ഞത്.
