അടുത്ത 50 വർഷത്തേക്കാണ് വിമാനത്താവളത്തിന്റെ നടത്തിപ്പ് അദാനി ഗ്രൂപ്പിന് ലഭിച്ചിരിക്കുന്നത്. ഇക്കഴിഞ്ഞ ജനുവരി 19നാണ് ഇതുസംബന്ധിച്ച കരാറിൽ എയർപോർട്ട് അതോറിറ്റി ഓഫ് ഇന്ത്യയും അദാനി ഗ്രൂപ്പും ഒപ്പുവെച്ചത്. വിമാനത്താവളം അദാനിക്ക് വിട്ട് നൽകുന്നതിൽ സംസ്ഥാനസർക്കാർ സമർപ്പിച്ച ഹർജി ഹൈക്കോടതിയിൽ തള്ളിയെങ്കിലും സുപ്രീം കോടതിയിൽ ഹർജി നിലവിലുണ്ട്. ഇത് നിലനിൽക്കെയാണ് വിമാനത്താവളം ഏറ്റെടുക്കലുമായി അദാനി മുന്നോട്ട് പോകുന്നത്.
