കൊച്ചിയില്‍ പ്രമുഖ നടിയെ തട്ടിക്കൊണ്ടുപോയി ആക്രമിച്ച സംഭവത്തില്‍ കോയമ്പത്തൂരില്‍ നിന്നും ഇന്ന് പിടിയിലായ രണ്ട് പേര് കൊടുംകുറ്റവാളികളാണെന്ന് പൊലീസ് അറിയിച്ചു. ആലപ്പുഴ സ്വദേശിയായ വടിവാള്‍ സലീം, കണ്ണൂര്‍ സ്വദേശിയാ പ്രദീപ് എന്നിവരാണ് അറസ്റ്റിലായത്. ഇവരെ ആലുവയില്‍ എത്തിച്ച് ചോദ്യം ചെയ്യുമെന്ന് പൊലീസ് അറിയിച്ചു.
കേസിലെ മറ്റു പ്രധാന പ്രതികളെയും തിരിച്ചറിഞ്ഞതായി പൊലീസ് അറിയിച്ചു. പള്‍സര്‍ സുനിയ്ക്ക് പുറമെ മണികണ്ഠന്‍, ബിജീഷ് എന്നിവരെയാണ് ഇനി പിടികൂടാനുള്ളത്. തമ്മനത്തെ ക്വട്ടേഷന്‍ സംഘത്തില്‍ പ്രവര്‍ത്തിക്കുന്നവരാണ് എല്ലാ പ്രതികളുമെന്ന് പൊലീസ് അറിയിച്ചു. ഒരുമാസം നീണ്ട ആസൂത്രണത്തിന് ശേഷമാണ് നടിയെ തട്ടിക്കൊണ്ടുപോയി ആക്രമിച്ചതെന്നും പൊലീസ് പറഞ്ഞു.
