സ്പീക്കർ പി ശ്രീരാമകൃഷ്ണനെതിരെ പി സി ജോർജ് രംഗത്ത്. കൊച്ചിയില്‍ ആക്രമണത്തിന് ഇരയായ നടിയെ അധിക്ഷേപിക്കുന്ന തരത്തിലുള്ള പ്രസ്താവനകള്‍ പിസി ജോര്‍ജ് നടത്തിയത് വളരെ മോശമായിപ്പോയെന്ന് സ്പീക്കര്‍ പറഞ്ഞിരുന്നു. സ്പീക്കറെന്ന നിലയില്‍ പി.സി ജോര്‍ജിനെതിരെ നടപടി എടുക്കും. ഉന്നതപദവിയിലുളളവര്‍ നിരുത്തരവാദപരമായി പെരുമാറരുത്. പി.സി ജോര്‍ജിന്റെ പരാമര്‍ശം എത്തിക്‌സ് കമ്മിറ്റിക്ക് അയക്കുമെന്നും സ്പീക്കര്‍ പറഞ്ഞിരുന്നു. തുടര്‍ന്നാണ് എല്ലാവരെയും ഒരേ പോലെ കാണാന്‍ ബാധ്യതയുള്ള ഒരാൾ, ഒരാളെ മാത്രം തിരഞ്ഞുപിടിച്ചു പരാമശിക്കുന്നതു ശരിയല്ലെന്നും തന്നെ വിമർശിക്കുന്നതിനു പിന്നിൽ രാഷ്ട്രീയമാണെന്നും പിസി പറയുന്നത്.
