നടി ആക്രമിക്കപ്പെട്ട സംഭവവുമായി ബന്ധപ്പെട്ട് കൂടുതല്‍ വിവരങ്ങള്‍ പുറത്തുവരുന്നു. കേസില്‍ നടിയും ദിലീപിന്റെ ആദ്യഭാര്യയുമാ‍യ മഞ്ജു വാര്യരുടെ മൊഴി നിര്‍ണായകമാണ്. മഞ്ജു നേരത്തേ മൊഴി നല്‍കിയിരുന്നു. മഞ്ജുവുമായുള്ള ബന്ധം തകരാന്‍ കാരണം നടിയാണെന്നും ഇതിനാലാണ് നടിക്കെതിരെ ദിലീപ് ഗൂഢാലോചന പദ്ധതി ഇട്ടതെന്നുമാണ് പൊലീസ് പറയുന്നത്.
ദിലീപുമായുള്ള വിവാഹമോചനത്തിന് കാരണം കാവ്യ തന്നെയാണെന്നും മഞ്ജുവിന്റെ മൊഴിയില്‍ നിന്നും വ്യക്തമാകുന്നു. ദിലീപ് അറസ്റ്റിലാകുന്നതിന് മുന്‍പ് കൊച്ചിയിലെ ഒരു പഞ്ച നക്ഷത്ര ഹോട്ടലില്‍ വച്ചാണ് എഡിജിപി സന്ധ്യ മഞ്ജുവിന്റെ മൊഴി രേഖപ്പെടുത്തിയത്. നടിയോട് ദിലീപിന് പകയുണ്ടാകാനുള്ള കാരണങ്ങള്‍ മഞ്ജു വാര്യരുടെ മൊഴിയില്‍ നിന്ന് വളരെ വ്യക്തമാണ്.
