രത്ന വ്യാപാരിയായ ഹരിഹരവര്‍മ്മയുടെ കൊലപാതക കേസില്‍ അഞ്ചു പ്രതികള്‍ക്കും ഇരട്ട ജീവപര്യന്തവും പിഴയും. പ്രതികളായ ജിതേഷ്, രഖില്‍, അജീഷ്, രാകേഷ്, ജോസഫ് എന്നിവര്‍ക്കാണ് ശിക്ഷ. പ്രതികള്‍ ഓരോരുത്തരും രണ്ട് ലക്ഷം രൂപ വീതം പിഴയൊടുക്കണം. പിഴത്തുക ഹരിഹരവര്‍മ്മയുടെ ഭാര്യ വിമലാ ദേവിയ്ക്ക് നല്‍കണമെന്നും തിരുവനന്തപുരം അഡീഷണല്‍ മജിസ്ട്രേറ്റ് കോടതി വിധിച്ചു.
ഇവര്‍ എഞ്ജിനീയറിംഗ് വിദ്യാര്‍ഥികളാണ്. ഇവര്‍ക്കെതിരെ കവര്‍ച്ച, കൊലപാതകം,കുറ്റകരമായ ഗൂഢാലോചന,വ്യാജ രേഖ ചമയ്ക്കല്‍,മയക്കുമരുന്ന് കൊടുത്ത് ബോധം കെടുത്തുക തുടങ്ങിയ കുറ്റങ്ങളാണ് ചുമത്തിയിരുന്നത്.
