മാണി യുഡിഎഫില്‍ തിരിച്ചെത്തുന്ന കാര്യത്തില്‍ കേരള കോൺഗ്രസ് തീരുമാനം അറിയിച്ചശേഷം ഇനി തുടർചർച്ചകള്‍ മതിയെന്ന് കോൺഗ്രസിന്റെ ധാരണായായി. ഡിസംബറില്‍ നടക്കുന്ന സംസ്ഥാനസമ്മേളനത്തിൽ നിലപാട് പ്രഖ്യാപിക്കുമെന്ന് കെഎം മാണി വ്യക്തമാക്കിയ സാഹചര്യത്തില്‍ ഇനി പിന്നാലെ നടന്ന് വിളിക്കേണ്ടതില്ലെന്നും അഭിപ്രായമുയർന്നു. കോട്ടയത്ത് നടന്ന പൊതുചടങ്ങില്‍ ഉമ്മൻചാണ്ടിയും കെഎം മാണിയും തമ്മില്‍ നടന്ന സൗഹൃദ സംഭാഷണമാണ് കേരളകോൺഗ്രസിന്റെ തിരിച്ചു വരവ് ചർച്ച വീണ്ടും സജീവമാക്കിയത്.
