ഇത്തരം വേദികള്‍ ഇനിയുമുണ്ടാകുമെന്ന് സെമിനാറില്‍ സംസാരിച്ച സി പി എം സംസ്ഥാന സെക്രട്ടറി കോടിയേരി ബാലകൃഷ്ണന്‍ പറഞ്ഞു. ഇങ്ങനെയുള്ള വേദികളിലൂടെയാണ് രാഷ്ട്രീയ മാറ്റങ്ങളുണ്ടാകുന്നത്. വര്‍ഗീയതയ്ക്കെതിരെയുള്ള പോരാട്ടത്തില്‍ യു ഡി എഫിലെ മതേതരകക്ഷികളെ സഹകരിപ്പിക്കാനുള്ള അവസരം വന്നിരിക്കുകയാണ്. ആറുവര്‍ഷത്തെ ഇടവേളയ്ക്ക് ശേഷമാണ് വീരേന്ദ്രകുമാര്‍ ഇടതുവേദിയിലെത്തുന്നത്. ഇതിന് സംഘാടകരോട് നന്ദിയുണ്ട് - കോടിയേരി പറഞ്ഞു.
