ചാനല്‍ ചര്‍ച്ചയ്ക്കിടെയുണ്ടായ വെല്ലുവിളി ഏറ്റെടുത്ത് വന്ദേമാതരം പാടാന്‍ ശ്രമിച്ച ബിജെപി വക്താവ് നവീന്‍ കുമാര്‍ സിംഗാണ് പുലിവാല്‍ പിടിച്ചത്. ഒരു ദേശീയ ചാനലില്‍ നടന്ന സംവാദ പരിപാടിയില്‍ ആള്‍ ഇന്ത്യാ മുസ്ലീം വ്യക്തിനിയമ ബോര്‍ഡ് അംഗം മുഫ്തി ഇജാസ് അര്‍ഷാദ് ഖാസിമിയുടെ വെല്ലുവിളി ഏറ്റെടുത്താണ് നവീന്‍ പാടിയത്. ആദ്യത്തെ രണ്ട് വരി പാടിയ നവീന്‍ പാടാന്‍ കഴിയാതെ പിന്മാറുകയായിരുന്നു. ഇതാണ് ട്രോളുകള്‍ക്ക് വഴിതെളിയിച്ചത്. നവീന്‍ പാടുന്ന വീഡിയോ ഇപ്പോള്‍ സോഷ്യല്‍ മീഡിയയില്‍ വൈറലാണ്.
