വടക്കാഞ്ചേരി വരവൂര്‍ ശ്രീകൃഷ്ണപുരത്തുവെച്ച്‌ വിനോദ്‌ എന്നയാളെ കുത്തിക്കൊലപ്പെടുത്താന്‍ ശ്രമിച്ച പ്രതിയെ വടക്കാഞ്ചേരി പൊലീസ്‌ അറസ്റ്റ്‌ ചെയ്തു. ഒളിവിലായിരുന്ന അകമല അയ്യന്‍കോട്ടില്‍ രാജേഷ്‌ രാജു (34) അകമല കാടുകാട്ടിലും ഭാരതപുഴയുടെ തീരപ്രദേശങ്ങളിലും കഴിഞ്ഞ്‌ തമിഴ്‌നാട്ടിലെത്തി വിവിധ കേന്ദ്രങ്ങളില്‍ താമസിച്ച്‌ വരികയായിരുന്നു.
ഇക്കഴിഞ്ഞ മാര്‍ച്ച്‌ 24നാണ്‌ കേസിനാസ്പദമായ സംഭവം നടന്നത്‌. വരവൂരിലെ ശ്രീകൃഷ്ണപുരത്തുവെച്ച്‌ വ്യക്തിവൈരാഗ്യത്തിന്റെ പേരില്‍ കിഴക്കൂട്ടുപടിയില്‍ വിനോദ്‌ (28) നെ കുത്തിപരുക്കേല്‍പ്പിക്കുകയും കൊലപ്പെടുത്താന്‍ ശ്രമിക്കുകയും ചെയ്തു എന്നാണ് കേസ്. ഒളിവിലായിരുന്ന പ്രതിയെ പഴനിയില്‍ നിന്നാണ്‌ പൊലീസ്‌ അറസ്റ്റ്‌ ചെയ്തത്‌.
