യുഡിഎഫ് വെച്ച കമ്മിഷൻ ആണ്, അവരുടെ കണ്ടെത്തലുകൾ അതീവ ഗുരുതരം: വി എം സുധീരൻ

സോളാർ കമ്മിഷൻ റിപ്പോർട്ട് അതൂവ ഗുരുതരമെന്ന് മുൻ കെ‌പിസിസി അധ്യക്ഷൻ വി എം സുധീരൻ. 

യു ഡി എഫ് സർക്കാർ തന്നെ വെച്ച കമ്മിഷനാണെന്നും അതിനാൽ തന്നെ കമ്മിഷൻ കണ്ടെത്തിയ റിപ്പോർട്ടുകൾ അതീവ ഗുരുതരമാണെന്നും സുധീരൻ വ്യക്തമാക്കി.

അതേസമയം, റിപ്പോർട്ട് സർക്കാർ തിരുത്തിയെന്ന് പ്രതിപക്ഷ നേതാവ് രമേശ് ചെന്നിത്തല നിയമസഭയിൽ ആരോപിച്ചു. റിപ്പോര്‍ട്ട് മുഖ്യമന്ത്രിക്ക് സമര്‍പ്പിച്ചതിനു പിന്നാലെ ആഭ്യന്തര വകുപ്പിലെ ഉദ്യോഗസ്ഥന്‍ ജസ്റ്റിസ് ജി.ശിവരാജനെ സന്ദര്‍ശിച്ചിരുന്നതായി പ്രതിപക്ഷ നേതാവ് രമേശ് ചെന്നിത്തല നിയമസഭയിൽ പറഞ്ഞു.  

മുഖ്യമന്ത്രി നിയമസഭയെ നോക്കുകുത്തിയാക്കി. റിപ്പോര്‍ട്ട് സഭയില്‍ വയ്ക്കുന്നതിനു മുന്‍പ് പുറത്തുവിട്ടത് അവകാശലംഘനമാണ്. മുഖ്യമന്ത്രിയുടെയും പൊളിറ്റിക്കൽ സെക്രട്ടറി പി.ജയരാജന്‍റെയും ഫോണ്‍ സംഭാഷണങ്ങള്‍ പരിശോധിക്കാന്‍ തയാറുണ്ടോയെന്നും ചെന്നിത്തല സഭയിൽ ചോദിച്ചു.