മകളുടെ ബിരുദ സര്‍ട്ടിഫിക്കറ്റിന്റെ ആവശ്യത്തിനായി കാലിക്കറ്റ് സര്‍വ്വകലാശാലയില്‍ വന്നതായിരുന്നു ഉമ. ഇരുവരും ബസില്‍ തിരികെപോകുമ്പോള്‍ ടിക്കറ്റ് എടുക്കാനായി നോക്കിയപ്പോഴാണ് ബാഗ് നഷ്ടമായ വിവരം അറിഞ്ഞത്. ഉടന്‍ തന്നെ ഇവര്‍ പൊലീസ് സ്‌റ്റേഷനില്‍ വിളിച്ച് വിവരം പറഞ്ഞു. തുടര്‍ന്ന് ബാഗ് സ്‌റ്റേഷനില്‍ കിട്ടിയ വിവരം പൊലീസ് ഉദ്യോഗസ്ഥര്‍ ഇവരെ അറിയിക്കുകയും ചെയ്തു.
അതേസമയം റോഡില്‍ ബാഗ് കിടക്കുന്നത് കണ്ട തെരുവുനായ ബാഗ് കടിച്ചെടുത്ത് പൊലീസ് സ്‌റ്റേഷനിലേക്ക് എത്തുകയായിരുന്നു. ബാഗില്‍ ഉമയുടെ തിരിച്ചറിയല്‍ കാര്‍ഡ്, പണം തുടങ്ങിയ വിലപിടിച്ച വസ്തുക്കള്‍ ഉണ്ടായിരുന്നു. പൊലീസ് സ്‌റ്റേഷന്‍ പരിസരത്ത് സ്ഥിരമായി കാണാറുള്ള നായയാണ് ബാഗ് സ്‌റ്റേഷനില്‍ എത്തിച്ചതെന്ന് ഉദ്യോഗസ്ഥര്‍ വ്യക്തമാക്കി.
