ഗുജറാത്ത് മുഖ്യമന്ത്രി നരേന്ദ്രമോഡിയോട് കേരളത്തില്‍ അയിത്തം കാണിച്ചിട്ട് കാര്യമില്ലെന്ന് എസ്എന്‍ഡിപി യോഗം ജനറല്‍ സെക്രട്ടറി വെള്ളാപ്പള്ളി നടേശന്‍. മോഡിയെ ശ്രദ്ധേയനാകുന്നത് അദ്ദേഹത്തിന്റെ പ്രവര്‍ത്തനശൈലി ആണെന്നും വെള്ളാപ്പള്ളി കൂട്ടിച്ചേര്‍ത്തു.
ശിവഗിരിയിലേക്ക് മോഡിയെ ക്ഷണിച്ചതില്‍ എസ്എന്‍ഡിപിക്ക് പങ്കില്ലെന്നും വെള്ളാപ്പള്ളി വ്യക്തമാക്കി. അദ്വാനിയോട് കാണിക്കാത്ത എതിര്‍പ്പ് മോഡിയോട് കാട്ടുന്നതില്‍ കാര്യമില്ലെന്നും അദ്ദേഹം പറഞ്ഞു.
ശിവഗിരിയിലെ ശ്രീനാരായണ പരിഷത്തിന്റെ പരിപാടിയില്‍ സംബന്ധിക്കാന്‍ മോഡിയെ ക്ഷണിച്ചതാണ് വിവാദമായത്. മോഡിയെത്തുന്നതിനാല്‍ ചടങ്ങില്‍ താന്‍ പങ്കെടുക്കില്ലെന്ന് പ്രതിപക്ഷ നേതാവ് വി എസ് അച്യുതാനന്ദന്‍ അറിയിച്ചിരുന്നു. മോഡിയ്ക്കെതിരെ പിണറായി വിജയന്‍ ഉള്‍പ്പെടെയുള്ള നേതാക്കളും രംഗത്തെത്തിയിരുന്നു.
