തങ്ങളുടെ പങ്കാളിത്തമോ ഉദാസീനതയോ ഇല്ലാതെ തെരുവുനായകളുടെയും മറ്റ് മൃഗങ്ങളുടെയും ആക്രമണത്തിന് വിധേയരാകുന്ന സാധാരണക്കാര്‍ തദ്ദേശ ഭരണസംവിധാനങ്ങളുടെ സഹായത്തിന് അര്‍ഹരാണ്. പാമ്പുകളുടെയും മറ്റ് ഇഴജന്തുക്കളുടെയും കടിയേല്‍ക്കുന്നവര്‍ക്കും തദ്ദേശസ്ഥാപനങ്ങള്‍ രൂപീകരിക്കുന്ന ഫണ്ടിന്റെ പ്രയോജനം എത്തിക്കാവുന്നതാണ്.
വീട്ടുമുറ്റത്ത് കളിച്ചുകൊണ്ടിരുന്ന നാലു വയസുകാരി ഉള്‍പ്പെടെ 23 പേര്‍ക്ക് തെരുവുനായയുടെ ആക്രമണത്തില്‍ പരുക്കേറ്റ സംഭവത്തില്‍ കമ്മീഷന്‍ സ്വമേധയാ രജിസ്റ്റര്‍ ചെയ്ത കേസിലാണ് ഉത്തരവ്. ആക്രമണത്തിന് ഇരയായവര്‍ക്ക് മുഖ്യമന്ത്രിയുടെ ദുരിതാശ്വാസനിധിയില്‍ നിന്നും സാമ്പത്തികസഹായം നല്കാന്‍ നടപടിയെടുക്കുന്നുണ്ടെന്നായിരുന്നു ജില്ല കളക്‌ടറുടെ റിപ്പോര്‍ട്ട്. സംഭവം നടന്ന് 90 ദിവസം കഴിഞ്ഞിട്ടും സഹായം കിട്ടിയില്ലെന്നും പരാതിക്കാരും ആരോപിച്ചു.
