മാതാവിന്റെ മരണം: മകൻ അറസ്റ്റിൽ

മാതാവിന്റെ മരണവുമായി ബന്ധപ്പെട്ട് 48 കാരനായ മകനെ പോലീസ് അറസ്റ് ചെയ്തു. ആറ്റുപുറം പാലോണം തടത്തിൽ വീട്ടിൽ രാധ എന്ന 65 കാരി മർദ്ദനമേറ്റു മരിച്ച സംഭവത്തിലാണ്  ഇവരുടെ മകൻ സന്തോഷ് എന്ന കാരനെ പോലീസ് അറസ്റ് ചെയ്തത്. 

ദിവസങ്ങൾക്ക് മുമ്പ് രാധയെ അവശ നിലയിൽ സന്തോഷ് കടയ്ക്കൽ  താലൂക്ക് ആശുപത്രിയിൽ പ്രവേശിപ്പിച്ചു. തുടർന്ന് മെഡിക്കൽ കോളേജ് ആശുപത്രിയിലും എത്തിച്ച്. എന്നാൽ കഴിഞ്ഞ ദിവസം അവർ മരിച്ചു. ഇവരുടെ മരണത്തിൽ സംശയം തോന്നിയ വാർഡ് മെമ്പറും നാട്ടുകാരും ചേർന്ന് നൽകിയ പരാതിയുടെ അടിസ്ഥാനത്തിൽ പോസ്റ്റ് മാർട്ടം നടത്തുകയും തലയ്ക്ക് ഏറ്റ അടിയാണ് മരണ കാരണമെന്ന് കണ്ടെത്തി. 

ഇതിനെ തുടർന്ന് സന്തോഷിനെ പോലീസ് കസ്റ്റഡിയിലെടുത്തു ചോദ്യം ചെയ്തപ്പോഴാണ് കെട്ടിട നിർമ്മാണ തൊഴിലാളിയായ ഇയാൾ സ്ഥിരം മദ്യപാനിയും മാതാവിനെയും ഭാര്യയേയും മക്കളെയും മർദ്ദിക്കുന്നത് പതിവാണെന്നും കണ്ടെത്തിയത്. ഭാര്യയും മക്കളും ഇപ്പോൾ അവരുടെ വീട്ടിലാണ് താമസം.