സി പി എം - യു ഡി എഫ് സംഘര്‍ഷം നിലനില്‍ക്കുന്ന കല്ലാച്ചി ടൗണിനടുത്ത് പയന്തോങ്ങിന്റെ സമീപപ്രദേശമാണ് നരിക്കാട്ടേരി. കഴിഞ്ഞദിവസങ്ങളില്‍ പയന്തോങ്ങ്‌ മേഖലയിലുണ്ടായ സംഘര്‍ഷത്തിനിടയില്‍ 13 വീടുകള്‍ക്കു നേരെ ബോംബേറ് ഉണ്ടായിരുന്നു. ഇതില്‍ എട്ടെണ്ണം ലീഗ് അനുഭാവികളുടെയും മൂന്നെണ്ണം സി പി എം അനുഭാവികളുടെയും ഒരുവീട് കോണ്‍ഗ്രസ് അനുഭാവിയുടേതും ആണ്. കഴിഞ്ഞദിവസം രാത്രിയും ഒരു വീടിനുനേരെ ബോംബേറുണ്ടായിരുന്നു. ഇതിനു പ്രതികാരം ചെയ്യാന്‍ ബോംബ് നിര്‍മ്മിക്കുന്നതിനിടെ ആയിരുന്നു സ്ഫോടനം. ബോംബ് സ്ഫോടനം നടന്ന സ്ഥലത്ത് വന്‍ പൊലീസ് സന്നാഹം നിലയുറപ്പിച്ചിട്ടുണ്ട്.
