പ്രണയാഭ്യര്‍ത്ഥന നിരസിച്ച പെണ്‍കുട്ടിയെ യുവാവ് കാറിടിച്ച് വീഴ്ത്തി, 5 പേര്‍ക്ക് ഗുരുതര പരിക്ക്, കാറുപേക്ഷിച്ച് പ്രതി കടന്നു
തൃശൂരിലെ അരിമ്പൂരില്‍ പെണ്‍കുട്ടിയെ കാറിടിച്ച് കൊലപ്പെടുത്താന്‍ യുവാവിന്‍റെ ശ്രമം. പ്രണയാഭ്യര്‍ത്ഥന നിരസിച്ചതിന്‍റെ പ്രതികാരമായാണ് ഷിബിന്‍ എന്ന യുവാവ് പെണ്‍കുട്ടിയെ കാറിടിച്ച് വീഴ്ത്തിയത്. പെണ്‍കുട്ടിയെ രക്ഷിക്കാന്‍ ശ്രമിച്ച മൂന്ന് സ്ത്രീകള്‍ക്കും ഒരു വിദ്യാര്‍ത്ഥിക്കും ഗുരുതരമായി പരുക്കേറ്റു. പെണ്‍കുട്ടിയും ഗുരുതരാവസ്ഥയിലാണ്.
ചൊവ്വാഴ്ച രാവിലെ പത്തുമണിയോടെയാണ് സംഭവം. ഇതിന് ശേഷം കാര്‍ നിര്‍ത്താതെ പോയ ഷിബിന്‍ പാലയ്ക്കലില്‍ ഒരു പാടത്തിനരികില്‍ കാര്‍ ഉപേക്ഷിച്ച് കടന്നുകളഞ്ഞു. ഷിബിന്‍റെ ബന്ധുവിന്‍റെ വീടിനടുത്തുള്ള പാടത്തിന് സമീപമാണ് കാര്‍ ഉപേക്ഷിച്ചിരിക്കുന്നത്. കാര്‍ അപകടത്തില്‍ പെട്ടെന്നും അതിനാല്‍ ഇവിടെ ഇടുകയാണെന്നും പറഞ്ഞാണ് ഷിബിന്‍ പോയതെന്ന് ബന്ധുക്കള്‍ അറിയിച്ചു.
