ഉപയോഗശൂന്യമായ പാറമടയിലെ കുളത്തില്‍ കുളിക്കാനിറങ്ങിയ രണ്ട് വിദ്യാര്‍ത്ഥികള്‍ മുങ്ങിമരിച്ചു. കരിക്കകം ശ്രീരാഗം റോഡ് വിജില ഭവനില്‍ വിജയകുമാറിന്‍റെ മകന്‍ വിജിന്‍ (19), കരിക്കകം ചാരുമ്മൂട് മേലേവീട്ടില്‍ സുകുവിന്‍റെ മകന്‍ എസ് അച്ചു (19) എന്നിവരാണു മുങ്ങിമരിച്ചത്.
കഴക്കൂട്ടം കുളത്തൂര്‍ പുല്ലുകാടിനു സമീപത്തുള്ള പാറക്കുളത്തില്‍ കഴിഞ്ഞ ദിവസം ഉച്ചയ്ക്ക് രണ്ട് മണിയോടെയാണ് അപകടമുണ്ടായത്. സുഹൃത്തുക്കളായ ഇവര്‍ക്കൊപ്പം ഉണ്ടായിരുന്ന കരിക്കകം സ്വദേശികളായ അനന്തു, വിഷ്ണു, ആദര്‍ശ്, അച്ചു മോഹന്‍ എന്നിവര്‍ രക്ഷപ്പെട്ടു.
