അഴിമതിക്കെതിരെ കുരിശുയുദ്ധമെന്ന പിള്ളയുടെ അവകാശവാദത്തില്‍ കാര്യമില്ലെന്നും അദ്ദേഹം പറഞ്ഞു. ഈ രീതിയില്‍ മുന്നോട്ടുപോകാനാകില്ല. തദ്ദേശഭരണ തെരഞ്ഞെടുപ്പില്‍ ഇത് മുന്നണിക്ക് തിരിച്ചടിയാകും. ജനങ്ങള്‍ ചര്‍ച്ച ചെയ്യുന്നത് വിവാദം മാത്രമാണെന്നും മുഹമ്മദ് ബഷീര്‍ പറഞ്ഞു. യു ഡി എഫ് യോഗത്തില്‍ ലീഗ് ഈ നിലപാട് അറിയിക്കുമെന്നും മുഹമ്മദ് ബഷീര്‍ വ്യക്തമാക്കി.
അതേസമയം, ബാലകൃഷ്‌ണ പിള്ളയ്ക്ക് താക്കീത് നല്കിയാല്‍ മതിയെന്ന് കേരള കോണ്‍ഗ്രസ് (എം) നേതാവ് ജോണി നെല്ലൂര്‍ പറഞ്ഞു. പിള്ളയ്ക്ക് ഒരവസരം കൂടി നല്കണമെന്ന് യു ഡി എഫിനോട് ആവശ്യപ്പെടുമെന്നും അദ്ദേഹം വ്യക്തമാക്കി.
