വിദേശത്തേക്ക് നഴ്സുമാരെ അയച്ച വകയില്‍ ലഭിച്ച പണം എവിടെയാണ് സൂക്ഷിച്ചിട്ടുള്ളതെന്ന് കണ്ടെത്താനാണ് എന്ഫോഴ്സ്മെന്റ് നീക്കം. ഇതിനായി ആദായനികുതി വകുപ്പില്‍ നിന്നു എറണാകുളം സൗത്തില്‍ അല്‍ സറാഫാ ട്രാവല്‍ ആന്‍ഡ് മാന്‍പവര്‍ കണ്‍സള്‍ട്ടന്‍സ് എന്ന സ്ഥാപനത്തെകുറിച്ചുള്ള പ്രാഥമിക വിവരങ്ങള്‍ ഉദ്യോഗസ്ഥര്‍ ശേഖരിച്ചിട്ടുണ്ട്.
1200 നഴ്സുമാരെ റിക്രൂട്ട് ചെയ്യന്നതിന് വേണ്ട കരാറാണ് ആരോഗ്യമന്ത്രാലയം അല്‍ സറാഫാ ഏജന്‍സിയുമായി ഉണ്ടാക്കിയിരുന്നത്. കരാര്‍പ്രകാരം ഓരോ ഉദ്യോഗാര്‍ഥിയില്‍ നിന്നും 19,500 രൂപ സര്‍വ്വീസ് ചാര്‍ജായി ഈടാക്കാന്‍ നിഷ്കര്‍ഷിച്ചിരുന്നു. എന്നാല്‍, ഓരോരുത്തരില്‍ നിന്നും 19.5 ലക്ഷം രൂപ വീതമാണ് ഏജന്‍സി ഈടാക്കിയത്.
