ടെലിവിഷന്‍ പരിപാടികള്‍ക്കുള്ള 2007ലെ എയര്‍ ഇന്ത്യ-കേരള കലാകേന്ദ്രം അവാര്‍ഡുകള്‍ ഇന്ന് വിതരണം ചെയ്യും. തിരുവനന്തപുരത്ത് കനകക്കുന്ന് നിശാഗന്ധിയില്‍ വൈകിട്ട് ആറ് മണിക്ക് നടക്കുന്ന ചടങ്ങില്‍ ആഭ്യന്തര മന്ത്രി കോടിയേരി ബാലകൃഷ്ണന്‍ അവാര്‍ഡുകള്‍ സമ്മാനിക്കും.
എയര്‍ ഇന്ത്യാ ചെയര്‍മാന്‍ വി തുളസീദാസ് അദ്ധ്യക്ഷത വഹിക്കും. കെ പി സി സി അദ്ധ്യക്ഷന്‍ രമേശ് ചെന്നിത്തല മുഖ്യപഭാഷാണം നടത്തും. കെ ടി ഡി സി ചെയര്‍മാന്‍ ചെറിയാന്‍ ഫിലിപ്, കോണ്‍ഗ്രസ് നേതാവ് പാലോട് രവി, കേരള കോണ്‍ഗ്രസ് (എം)ജനറല്‍ സെക്രട്ടറി ജോസ് കെ മാണി കേരള സംഗീത നാടക അക്കാഡമി മുന്‍ സെക്രട്ടറി കെ ആനന്ദകുമാര്‍ എന്നിവര്‍ സംബന്ധിക്കും.
പ്രശസ്ത മാദ്ധ്യമ പ്രവര്‍ത്തകന്‍ ശശികുമാര്‍, ജോണ്‍ ബ്രിട്ടാസ്(കൈരളി ടി വി) ജോണി ലൂക്കോസ്(മനോരമ നൂസ്) കെ ശ്രീകണ്ഠന്‍ നായര്‍(എഷ്യാനെറ്റ്) കെ ബി ഗണേശ് കുമാര്‍, സോന നായര്‍ തുടങ്ങി ടെലിവിഷന്‍ രംഗത്തെ 27 പ്രതിഭകള്‍ക്കാണ് പുരസ്കാരങ്ങള്‍ നല്‍കുന്നത്.
പരിപാടിയുടെ ഭാഗമായി പ്രശസ്ത പിന്നണി ഗായകരായ അഫ്സല്‍, ചിത്ര അയ്യര്‍ സംഗീത സംവിധായകന്‍ വിദ്യാധരന്‍ മാസ്റ്റര്‍ എന്നിവര്‍ നയിക്കുന്ന ഗാനമേള ഉണ്ടായിരിക്കും.കൊച്ചി ഡാസ്‌ലേഴ്സിന്‍റെ ഫാഷന്‍ ഷോ,സിനിമാറ്റിക് ഡാന്‍സ് എന്നിവയും ശാസ്ത്രീ‍യ നൃത്തം,മിമിക്രി,സ്കിറ്റ് എന്നിവയും ഉണ്ടാകും.
