ഇത്തവണ സീറ്റ് നല്‍കരുത് എന്ന് കോണ്‍ഗ്രസ് ഹൈക്കമാന്‍ഡിനോട് കെ പി സി സി അധ്യക്ഷന്‍ വി എം സുധീരന് അഭ്യര്‍ത്ഥിച്ച അഞ്ചുപേര്‍ ഇവരാണ് - ഡൊമിനിക് പ്രസന്‍റേഷന്‍, അടൂര്‍ പ്രകാശ്, കെ ബാബു, കെ സി ജോസഫ്, എ ടി ജോര്‍ജ്ജ്. നിയമസഭാ തെരഞ്ഞെടുപ്പ് ഫലം വന്നപ്പോള്‍ ഈ അഞ്ചുപേരില്‍ മൂന്നുപേരും പരാജയപ്പെട്ടിരിക്കുന്നു.
തൃപ്പൂണിത്തുറയിലാണ് ഏറ്റവും വലിയ അട്ടിമറി നടന്നത്. ബാര്‍ കോഴക്കേസില്‍ മന്ത്രിസ്ഥാനം നഷ്ടമാകുകയും പിന്നീട് തിരിച്ചുവരികയും ചെയ്ത കെ ബാബുവിനെ 4467വോട്ടിന് എം സ്വാരാജ് മലര്‍ത്തിയടിച്ചു. ബാബുവിനെയും കോണ്‍ഗ്രസിനെയും എന്തിന്, ഇടതുമുന്നണിയെ പോലും അമ്പരപ്പിക്കുന്ന വിജയമാണ് സ്വരാജ് സ്വന്തമാക്കിയത്.
