കാസര്‍കോഡ് ലോറി കൊക്കയിലേക്ക്‌ മറിഞ്ഞ്‌ നാലു മരണം; ഏഴുപേര്‍ക്ക് പരുക്ക്

PRO

കാസര്‍കോഡ് കാറ്റാംകവല-പറമ്പ റോഡില്‍ ലോറി കൊക്കയിലേക്ക്‌ മറിഞ്ഞ്‌ നാലുപേര്‍ മരിച്ചതായും ഏഴു പേര്‍ക്ക്‌ പരുക്കേറ്റതായും റിപ്പോര്‍ട്ട്.

മരിച്ചവര്‍ അന്യസംസ്ഥാനതൊഴിലാളികളാണെന്നാണ് റിപ്പോര്‍ട്ട്. പരുക്കേറ്റ രണ്ടു പേരുടെ നില ഗുരുതരമാണ്‌. ബ്രേക്ക്‌ പോയതാണ്‌ അപകടകാരണമെന്നാണ്‌ പ്രാഥമിക നിഗമനം.

കുഴല്‍ കിണര്‍ നിര്‍മ്മാണത്തിനുള്ള ലോറിയാണ്‌ ഇന്നലെ വൈകിട്ട്‌ ആറരയോടെ അപകടത്തില്‍ പെട്ടത്‌. കയറ്റമുള്ള റോഡില്‍ വച്ച്‌ ബ്രേക്ക്‌ നഷ്‌ടപ്പെട്ട ലോറി പിന്നിലേക്കു വന്ന്‌ 50 അടി താഴേക്ക്‌ മറിയുകയായിരുന്നു.

ഒരാള്‍ സംഭവസ്‌ഥലത്തും മൂന്നു പേര്‍ ആശുപത്രിയിലേക്കു കൊണ്ടുപോകുന്ന വഴിയിലുമാണ്‌ മരിച്ചത്‌. പരുക്കേറ്റവര്‍ പരിയാരം മെഡിക്കല്‍ കോളേജ്‌ ആശുപത്രിയിലാണ്.