അമ്പത്തിയഞ്ചാമത് സംസ്ഥാന സ്കൂള് കലോത്സവം ആവേശത്തിരയിലേറി ആറാം ദിവസത്തിലേക്ക്. കലോത്സവം അന്തിമദിനങ്ങളോട് അടുക്കുമ്പോള്‍ പാലക്കാട് ജില്ല മുന്നേറ്റം തുടരുകയാണ്. 757 പോയിന്റുമായി പാലക്കാട് ഒന്നാംസ്ഥാനത്ത് തുടരുമ്പോള്‍ 750 പോയിന്റുമായി കോഴിക്കോട് രണ്ടാംസ്ഥാനത്തുണ്ട്. 740 പോയിന്റുമായി കണ്ണൂര്‍ ആണ് മൂന്നാംസ്ഥാനത്ത്.
തിങ്കളാഴ്ച രാത്രി ഏഴു മണിയോടെയായിരുന്നു സംഭവം. മത്സരം നടക്കുന്ന പ്രൊവിഡന്‍സ് സ്‌കൂളിലെ വേദിയിലും പരിസരത്തുമാണ് വൈദ്യുതി നിലച്ചത്. നിമിഷങ്ങള്‍ക്കുള്ളില്‍ വൈദ്യുതി പുനഃസ്ഥാപിച്ചെങ്കിലും ആ സമയത്ത് വേദിയില്‍ നൃത്തം ചെയ്യുകയായിരുന്ന കൊടുങ്ങല്ലൂര്‍ ജി എച്ച് എസ് സ്കൂള് വിദ്യാര്‍ഥിനിയായ പവിത്ര സി മേനോന് വീണ്ടും നൃത്തം ചെയ്യാനുള്ള അവസരം അധികൃതര്‍ നിഷേധിക്കുകയായിരുന്നു.
