കയ്പമംഗലത്ത് സംഘര്‍ഷത്തില്‍ പരുക്കേറ്റ ബിജെപി പ്രവര്‍ത്തകന്‍ മരിച്ചു
വെള്ളി, 20 മെയ് 2016 (14:36 IST)
കയ്പമംഗലത്ത് കഴിഞ്ഞ ദിവസം ഉണ്ടായ സി പി എം-ബി ജെ പി സംഘര്‍ഷത്തില്‍ ഗുരുതരമായി പരുക്കേറ്റ ബി ജെ പി പ്രവര്‍ത്തകന്‍ മരിച്ചു. എടവിലങ്ങ് സ്വദേശി പ്രമോദ്(33) ആണ് മരിച്ചത്. മരണത്തേത്തുടര്‍ന്ന് പ്രദേശത്ത് ഇപ്പോള്‍ സംഘര്‍ഷാവസ്ഥ നിലനില്‍ക്കുകയാണ്.
സംഭവത്തില്‍ പ്രതിഷേധിച്ച് ബി ജെ പി നാളെ തൃശൂരില്‍ ഹര്‍ത്താലിന് ആഹ്വാനം ചെയ്തു. തെരഞ്ഞെടുപ്പ് ഫലം അറിഞ്ഞതിനേ തുടര്‍ന്നുണ്ടായ ആഹ്ലാദ പ്രകടനത്തിനിടെ സംസ്ഥാനത്തിന്റെ വിവിധ ഭാഗങ്ങളില്‍ ഇന്നലെ വ്യാപക തോതില്‍ അക്രമ സംഭവങ്ങള്‍ നടന്നിരുന്നു.
