ഓട്ടോ ഡ്രൈവര്‍ സീറ്റില്‍ യാത്രക്കാര്‍ പാടില്ലെന്ന് ഋഷിരാജ് സിംഗ്
വെള്ളി, 20 സെപ്‌റ്റംബര്‍ 2013 (15:06 IST)
PRO
PRO
ഓട്ടോറിക്ഷാ ഡ്രൈവറുടെ സീറ്റില്‍ ഡ്രൈവറുടെ കൂടെ സഹായിയോ മറ്റ് യാത്രക്കാരോ പാടില്ലെന്ന് ട്രാന്‍സ്പോര്‍ട്ട് കമ്മീഷണര്‍ ഋഷിരാജ് സിംഗ്. ഇത് സംബന്ധിച്ച് കഴിഞ്ഞ ദിവസം ഉത്തരവിറങ്ങി.
ഇത്തരം നിയമ ലംഘനങ്ങള്‍ ശ്രദ്ധയില്‍പെടുന്ന പക്ഷം പെര്‍മിറ്റ്, ലൈസന്‍സ് എന്നിവ റദ്ദാക്കുന്നത് ഉള്‍പ്പെടെയുള്ള കര്‍ശന നിയമനടപടികള്‍ എടുക്കുമെന്നും അദ്ദേഹം പറഞ്ഞു. ഇതുമായി ബന്ധപ്പെട്ട് ആര്‍ടിഒമാര്‍ക്ക് വേണ്ട നിര്‍ദ്ദേശവും അദ്ദേഹം നല്‍കിക്കഴിഞ്ഞു.
പാരിപ്പള്ളി, താനൂര്‍ എന്നിവിടങ്ങളില്‍ അടുത്തിടെയുണ്ടായ വാഹനാപകടങ്ങളുടെ പശ്ചാത്തലത്തിലാണ്‌ ഈ നടപടി.
