സോളാര്‍ കമ്മീഷന്‍ റിപ്പോര്‍ട്ടില്‍ പ്രതികരണവുമായി മുന്‍ മുഖ്യമന്ത്രി ഉമ്മന്‍ചാണ്ടി രംഗത്ത്. സോളാര്‍ കേസില്‍ താന്‍ തെറ്റൊന്നും ചെയ്തിട്ടില്ലെന്നും അതിനാ‍ല്‍ പേടിയില്ലെന്നും ഉമ്മന്‍ചാണ്ടി പറഞ്ഞു. തനിക്ക് ഉറച്ച ആത്മവിശ്വാസമാണുള്ളതെന്നും തെറ്റ് ചെയ്യാത്തത് കൊണ്ട് തന്നെ ഭയമില്ലെന്നും ഉമ്മന്‍ചാണ്ടി തിരുവനന്തപുരത്ത് മാധ്യമങ്ങളോട് പറഞ്ഞു.
റിപ്പോര്‍ട്ടില്‍ അന്നത്തെ മുഖ്യമന്ത്രിയായ ഉമ്മന്‍ചാണ്ടിയുടെ ഓഫീസിനു വീഴ്ച പറ്റിയതായി വിമര്‍ശനം. കേസിലെ പ്രധാന പ്രതികളായ സരിത എസ് നായരും ബിജു രാധാകൃഷ്ണനും മുഖ്യമന്ത്രിയുടെ ഓഫീസ് ദുരുപയോഗപ്പെടുത്തിയെന്നാണ് ഉയരുന്ന വിമര്‍ശനം. അതേസമയം, സംസ്ഥാനത്തെ പിടിച്ചു കുലുക്കിയ സോളാര്‍ ഇടപാടുകള്‍ ഖജനാവിനെ ബാധിച്ചിട്ടില്ലെന്നും കമ്മീഷന്‍ കണ്ടെത്തിയതായി സൂചനകള്‍ ഉണ്ട്.
