അരുവിക്കരയില്‍ അവകാശം ഉന്നയിക്കുന്നതിന് ഒപ്പം ഒഴിവു വന്ന ഡെപ്യൂട്ടി സ്പീക്കര്‍ സ്ഥാനത്തിനും അവകാശം ഉന്നയിക്കുമെന്നും ആര്‍ എസ് പി വ്യക്തമാക്കി. എന്നാല്‍, ഇക്കാര്യത്തില്‍ വാശിയൊന്നും പിടിക്കില്ലെന്നും സൂചനയുണ്ട്. അരുവിക്കര കോണ്‍ഗ്രസിന്റെ സിറ്റിംഗ് സീറ്റാണ്. അത് ഇപ്പോള്‍ തരാന്‍ കഴിയില്ലെങ്കില്‍ വരുന്ന നിയമസഭ തെരഞ്ഞെടുപ്പില്‍ തിരുവനന്തപുരം ജില്ലയില്‍ ഒരു സീറ്റ് വേണമെന്ന ആവശ്യം ഉന്നയിക്കുമെന്നും നേതാക്കള്‍ വ്യക്തമാക്കുന്നു.
ആര്‍ എസ് പി ഇടതുമുന്നണിയില്‍ ആയിരുന്നപ്പോള്‍ സ്ഥിരമായി മത്സരിച്ചിരുന്ന സീറ്റ് ആയിരുന്നു അരുവിക്കര. എന്നാല്‍, യു ഡി എഫില്‍ കോണ്‍ഗ്രസിന്റെ സീറ്റാണിത്. പഴയ ആര്യനാട് മണ്ഡലമാണ് ഇപ്പോഴത്തെ അരുവിക്കര മണ്ഡലം. ആര്യനാട് മണ്ഡലമായിരുന്നപ്പോള്‍ നാലു തവണയും അരുവിക്കരയായപ്പോള്‍ ഒരു തവണയും ഇവിടെ നിന്ന് വിജയിച്ചത് കോണ്‍ഗ്രസ് സ്ഥാനാര്‍ത്ഥിയായിരുന്ന ജി കാര്‍ത്തികേയന്‍ ആയിരുന്നു.
