ഇന്ന് മെയ് ഒന്ന്, സാര്‍വ്വദേശീയ തൊഴിലാളി ദിനം. തൊഴില്‍ ചൂഷണത്തിന് എതിരായ ഐതിഹാസികമായ പോരാട്ടത്തിന്റെ സ്‌മരണ പുതുക്കിയാണ് തൊഴിലാളികള്‍ മെയ് ദിനം ആചരിക്കുന്നത്. എട്ടു മണിക്കൂർ തൊഴിൽസമയം അംഗീകരിച്ചതിനെ തുടര്‍ന്ന് അതിന്റെ സ്മരണക്കായി ആണ് മെയ് ഒന്ന് ആഘോഷിക്കണം എന്ന ആശയം ഉണ്ടായത്.
വര്‍ഷങ്ങള്‍ക്ക് ശേഷം തൊഴില്‍ സമയം, വേതനം, ആനുകൂല്യങ്ങള്‍, അവകാശങ്ങള്‍ എന്നിവക്കായി തൊഴിലാളികള്‍ നടത്തിയ സമരങ്ങള്‍ക്ക് സഫലീകരണമുണ്ടായി. 8 മണിക്കൂര്‍ ജോലി, 8 മണിക്കൂര്‍ വിശ്രമം, 8 മണിക്കൂര്‍ വിനോദം എന്ന മുദ്രാവാക്യം നടപ്പില്‍ വന്നു.
