തന്നെ മരണത്തിന്റെ മുഖത്തുനിന്ന് രക്ഷിച്ച ഇന്ത്യന്‍ ആര്‍മിക്ക് നന്ദി പറഞ്ഞും അവരെ ചുംബിച്ചും തന്റെ സന്തോഷം ബാബു പ്രകടിപ്പിച്ചു. കൈകള്‍ ഉയര്‍ത്തി ഇന്ത്യന്‍ ആര്‍മി കീ ജയ് എന്നും ഭാരത് മാതാ കീ ജയ് വിളിക്കാനും ബാബു മറന്നില്ല. ഇതിന്റെ വീഡിയോ പുറത്തുവന്നു.
ബാലയാണ് ബാബുവിനെ താഴെ നിന്ന് കയറ്റി കൊണ്ടുവന്നതെന്നും ഈ വീഡിയോയില്‍ പറയുന്നത് കേള്‍ക്കാം. കേണല്‍ ശേഖര്‍ അത്രിയുടെ നേതൃത്വത്തിലുള്ള സംഘമാണ് രക്ഷാപ്രവര്‍ത്തനത്തിന് നേതൃത്വം നല്‍കിയത്. മലയാളി കൂടിയായ ലഫ്.കേണല്‍ ഹേമന്ത് രാജും ടീമില്‍ ഉണ്ടായിരുന്നു.
