ഉമ്മന്‍‌ചാണ്ടി എത്ര ശ്രമിച്ചാലും ഇനി കെ എം മാണിയെ രക്ഷിക്കാനാവില്ല. മാണിക്കെതിരെ എല്ലാ തെളിവുകളുമുണ്ടെന്നും അതനുസരിച്ചുള്ള റിപ്പോര്‍ട്ട് കൊടുക്കുമെന്നും മുകളില്‍നിന്നുള്ള സമ്മര്‍ദ്ദമുണ്ടായില്ലെങ്കില്‍ കേസ് ശരിയായ വഴിക്കുനീങ്ങുമെന്നും ബാര്‍ കോഴക്കേസ് അന്വേഷിച്ച എസ്പി ആര്‍ സുകേശന്‍ തന്നോടുപറഞ്ഞിട്ടുണ്ടെന്നും ബാലകൃഷ്ണപിള്ള വെളിപ്പെടുത്തി.
കെ എം മാണി മാത്രമല്ല, ഉമ്മന്‍‌ചാണ്ടിയും ചെന്നിത്തലയുമുള്‍പ്പടെ സര്‍ക്കാര്‍ പൂര്‍ണമായും രാജിവയ്ക്കണമെന്ന് ബി ജെ പി നേതാവ് കെ സുരേന്ദ്രന്‍ ആവശ്യപ്പെട്ടു. ഉമ്മന്‍‌ചാണ്ടിയും ചെന്നിത്തലയും ചേര്‍ന്നാണ് വിജിലന്‍സ് ഡയറക്‍ടര്‍ വിന്‍‌സന്‍ എം പോളിനെക്കൊണ്ട് ഈ അധാര്‍മ്മികതയൊക്കെ ചെയ്യിച്ചത്. മാണിക്ക് മാത്രമല്ല, ഉമ്മന്‍‌ചാണ്ടിക്കും ചെന്നിത്തലയ്ക്കും ബാബുവിനും കോഴപ്പണം കിട്ടിയിട്ടുണ്ടെന്നും സുരേന്ദ്രന്‍ ആരോപിച്ചു.
