ഇനി പേടിക്കാനൊന്നുമില്ല. വാങ്ങിവെച്ച പടക്കം പൊട്ടിച്ച് ആഘോഷിക്കുമെന്ന് ധർമജൻ മാധ്യമ പ്രവർത്തകരോട് വ്യക്തമാക്കി. 'എന്നെ സിനിമയില്‍ കൊണ്ടുവന്ന ആളാണ് ദിലീപ്. ദിലീപ് കുറ്റം ചെയ്യില്ലെന്ന് തന്നെയാണ് അന്നും ഇന്നും വിശ്വസിക്കുന്നത്. വീട്ടില്‍ 2500 രൂപയുടെ പടക്കം വാങ്ങിവെച്ചിട്ടുണ്ട്. ആ പടക്കം പൊട്ടിച്ച് ജാമ്യം ആഘോഷിക്കും. ഇനിയൊന്നും പേടിക്കാനില്ലെന്നും ധര്‍മ്മജന്‍ പറഞ്ഞു.
എന്റെ ചേട്ടനാണ്.. ജാമ്യം കിട്ടിയതില്‍ അതീവ സന്തോഷമുണ്ട്... അദ്ദേഹത്തെ എനിക്കൊന്ന് കണ്ടാൽ മതി, ഇത്രയും പറഞ്ഞായിരുന്നു ധർമ്മജൻ പൊട്ടിക്കരഞ്ഞത്. ജനപ്രിയ നടന് ജാമ്യം ലഭിച്ചതറിഞ്ഞതോടെ അദ്ദേഹത്തിന്റെ ആരാധകര്‍ ഉള്‍പ്പെടെ വൻ ജനക്കൂട്ടമായിരുന്നു ആലുവ സബ്ജയിലിന് മുന്നിലെത്തിയത്.
