കേസില്‍ ദിലീപ് രണ്ടാം പ്രതിയാകുമെന്നാണ് റിപ്പോര്‍ട്ടുകള്‍. പള്‍സര്‍ സുനി ഒന്നാം പ്രതിയായി തന്നെ തുടരും. കേസില്‍ നടിക്കെതിരായി ക്വട്ടേഷന്‍ നല്‍കിയതിനും ഗൂഢാലോചന നടത്തിയതിനും സുനിയെ കുറ്റം ചെയ്യാന്‍ പ്രേരിപ്പിച്ചതിനുമാണ് ദിലീപിനെ രണ്ടാം പ്രതിയാക്കുന്നതെന്ന് മനോരമ റിപ്പോര്‍ട്ട് ചെയ്യുന്നു. അന്വേഷണ സംഘം കുറ്റപത്രം തയ്യാറാക്കി കൊണ്ടിരിക്കുകയാണ്.
അതേസമയം, ദിലീപിന്റെ ഹൈക്കോടതിയിലെ രണ്ടാം ജാമ്യാപേക്ഷ രണ്ട് ദിവസത്തിനുള്ളില്‍ നല്‍കാനാണ് ദിലീപ് വിഭാഗത്തിന്റെ തീരുമാനം. ആദ്യ അഭിഭാഷകനെ മാറ്റിയിരിക്കുകയാണ്. എടുപിടി എന്നൊരു തീരുമാനം വേണ്ടെന്നും പതുക്കെ ആലോചിച്ച് മതിയെന്നുമുള്ള രീതിയിലാണ് പ്രതിഭാഗം.
ദിലീപിന്റെ മാനേജര്‍ അപ്പുണ്ണിയെ കിട്ടാത്തതും, പ്രധാന തെളിവായ മൊബൈല്‍ ഫോണ്‍ കണ്ടെടുക്കാന്‍ കഴിയാത്തതും ചൂണ്ടിക്കാണിച്ചായിരുന്നു ആദ്യത്തെ ഹര്‍ജി തള്ളിയത്. എന്നാല്‍, അപ്പുണ്ണി കീഴടങ്ങുകയും മൊബൈല്‍ ഫോണ്‍ നശിപ്പിച്ചെന്ന് മൊഴി ലഭിക്കുകയും ചെയ്തിട്ടുണ്ട്. ഇതു ചൂണ്ടിക്കാട്ടിയാകും ഇത്തവണ ജാമ്യത്തിനായി വാദിക്കുക.
