“ചോദ്യപേപ്പര്‍ വിവാദം മുതല്‍ ഒരുപാട് വിവാദങ്ങളിലൂടെ കടന്നു പോയി. ഒളിവില്‍ പോയത്, കീഴടങ്ങിയതും റിമാന്‍ഡിലായതും, അപായപ്പെടുത്തലുകളില്‍ നിന്ന് തലനാരിഴയ്ക്ക് രക്ഷപ്പെട്ടതും, ഒടുവില്‍ ആക്രമത്തിനിരയായതും. അങ്ങനെയൊരുപാട് സംഭവങ്ങളുണ്ടായല്ലോ. അവയൊക്കെ ഇപ്പോള്‍ ഓര്‍ത്തെടുത്ത് എഴുതുമ്പോള്‍ ത്രില്ലുണ്ട്” - ജോസഫ് പറഞ്ഞു.
പക്ഷേ, കുടുംബവുമായി ബന്ധപ്പെട്ട കാര്യങ്ങള്‍ എഴുതുമ്പോള്‍ എഴുതാന്‍ കഴിയുന്നില്ലെന്നും പ്രൊഫസര്‍ പറയുന്നു. “സലോമിയുടെയും കുടുംബത്തിന്റെയുമൊക്കെ കാര്യങ്ങള്‍ വരുമ്പോള്‍ മനസറിയാതെ മടിച്ചു നില്‍ക്കും. ആത്മകഥ എഴുതാനിരുന്നതാണ്. കുറെയൊക്കെ എഴുതി. ബാക്കി കൂടി എഴുതാനുള്ള ആത്മബലത്തിനായി പ്രാര്‍ത്ഥിക്കുകയാണിപ്പോള്‍. അതു പൂര്‍ത്തിയാക്കണം” - പ്രൊഫസര്‍ പറഞ്ഞു.
