യാത്രക്കാരോട് ചെയ്തതിന്റെ കർമഫലമാണ് നിങ്ങൾ ഇപ്പോൾ അനുഭവിക്കുന്നത്; കെഎസ്ആർടി‌സി പെൻഷൻകാരെ പരിഹസിച്ച് ഗണേഷ് കുമാർ

കെ എസ് ആർ ടി സി പെഷൻകാർക്കെതിരെ വിവാദ പരാമർശവുമായി മുൻ ഗതാഗത മന്ത്രി കെ ബി ഗണേഷ്കുമാർ. സ്വന്തം പ്രവർത്തിയുടെ ഫലമാണ് അവർ ഇപ്പോൾ അനുഭവിക്കുന്നത് എന്നായിരുന്നു ഗണേഷിന്റെ പരിഹാസം. പുനലൂരിൽ ഒരു ഉദ്ഘാടന വേദിയിൽ സംസാരിക്കവേയായിരുന്നു ഗണേഷ് വിവാദ പരാമർശം നടത്തിയത്.

കെഎസ്ആര്‍ടിസി ജീവനക്കാര്‍ അന്ന് ക്രിത്യമായി ജോലിചെയ്തിരുന്നെങ്കിൽ ഇങ്ങനെയൊന്നും സംഭവിക്കുമായിരുന്നില്ലെന്നും കൈ കാണിച്ചാൽ പോലും ബസ്സ് നിർത്താതിരുന്നവർക്ക് ഇപ്പോൾ പെൻഷൻ കിട്ടാത്തത് സ്വന്തം കർമഫലം കൊണ്ടാണെന്നും ഗണേഷ്കുമാർ തുറന്നടിച്ചു. 

മുൻ ഗതാഗത മന്ത്രിയായിരുന്ന ഗണേഷ് കുമാർ തങ്ങളെ അവഹേളിച്ചതിൽ വിമർശനവുമായി പെൻഷൻകാർ രംഗത്ത് വന്നിട്ടുണ്ട്. കെ എസ് ആർ ടി സി പെഷൻകാരെ അവഹേളിച്ചത് അനുചിതമാണെന്ന് അവർ പ്രതികരിച്ചു.