ക്യാം സ്കാനറിനെ പ്ലേ സ്റ്റോറിൽനിന്നും ഗൂഗിൾ നീക്കം ചെയ്തുകഴിഞ്ഞു. ആപ്പിലൂടെ സ്മാർട്ട്‌ഫോണിലേക്ക് വൈറസ് പ്രവേശികുന്നു എന്ന പരാതിയെ തുടർന്നാണ് ഗൂഗിളിന്റെ നീക്കം. ക്യാസ്‌പർസ്‌കൈ റിസർച്ച് ലാബ് പുറത്തുവിട്ട ബ്ലോഗിലാന് ട്രോജൻ ഡ്രോപ്പർ വിഭാഗത്തിൽപ്പെട്ട വൈറ ആപ്പ് വഴി ഫോണിൽ പ്രവേശിക്കുന്നതായി വ്യക്തമാക്കിയത്. എന്നാൽ ഐഒഎസിൽ ആപ്പ് പ്രശ്നങ്ങൾ ഉണ്ടാക്കുന്നതായി റിപ്പോർട്ടുകൾ ഇല്ല
ആപ്പ് ഡൗൺലോഡ് ചെയ്യുന്നതിലൂടെ ഫോണിൽ ക്രിയേറ്റ് ചെയ്യപ്പെടുന്ന എൻക്രിറ്റ്പ് ഫോൾഡറിലെ ചില കോഡുകൾ ഉപയോഗിച്ചാണ് ഈ വൈറസ് പ്രവർത്തിക്കുന്നത് എന്നും ആൻഡ്രോയിഡ് ഉപയോക്താക്കൾ എത്രയും വേഗം ആപ്പ് അൺ ഇൻസ്റ്റാൾ ചെയ്യണമെന്നും കാസ്‌പർസ്‌കൈ ബ്ലോഗിൽ മുന്നറിയിപ്പ് നൽകുന്നുണ്ട്. പ്ലേ സ്റ്റോറിലെ ഏറ്റവും ജനപ്രിയ ആപ്പുകളിൽ ഒന്നായിരുന്നു ക്യാം സ്കാനർ. ലോകത്താകമാനമായി 10കോടി അളുകളാണ് ഈ ആപ്പ് ഇൻസ്റ്റാൾ ചെയ്തിരുന്നത്.
