വിശ്വാസങ്ങള്‍ പ്രബലമാകുന്ന കാലമാണിത്. ഔഷധങ്ങള്‍ കൊണ്ട് ചികിത്സിക്കാനാവും. എന്നാല്‍ വെറുതേ ഒന്നു തൊടുകയും ഔഷധം ഇല്ലാത്ത തീര്‍ത്ഥം കുടിക്കുകയും ചെയ്താല്‍ രോഗം മാറുമോ ? മാറും.
ഞങ്ങള്‍ ഋഷി തുല്യനായ ഒരു ചികിത്സകന്‍റെ അടുത്തേക്കാണ് പോയത്. അദ്ദേഹം രോഗിയുടെ ശരീരത്തിലെ പ്രതികൂല ഊര്‍ജ്ജത്തെ (നെഗറ്റീവ് എനര്‍ജി) ആവാഹിച്ചെടുത്ത് പുറത്തു കളയുകയും സ്വന്തം കൈവിരലിലൂടെ ബ്രഹ്മശക്തി പകരുകയും ചെയ്ത് രോഗം മാറ്റുന്നു.
ഈ ചികിത്സാ രീതി ബ്രഹ്മജ്ഞാനം അല്ലെങ്കില്‍ ആത്മീയ ശക്തി, പ്രപഞ്ച ശക്തി )കൊണ്ടുള്ള ചികിത്സയായാണ് അറിയപ്പെടുന്നത്. കേരളത്തില്‍ കോട്ടയം ജില്ലയിലെ ചങ്ങനാശേരിയില്‍ എം.ഡി.രവി മാസ്റ്റര്‍ എന്ന ആചാര്യനാണ് ബ്രഹ്മജ്ഞാനത്തിലൂടെയും സ്പര്‍ശന ചികിത്സയിലൂടെയും നൂറു കണക്കിന് ആളുകള്‍ക്ക് ആശ്വാസമേകുന്നത്.
FILE
WD
ഈ ബ്രഹ്മ ഗുരുവിന്‍റെ ചികിത്സ തീര്‍ത്തും സൌജന്യമാണ്. രവി മാസ്റ്റര്‍ ഡോക്‍ടറല്ല. ഒരു “തയ്യല്‍ക്കാരന്‍” ആയിരുന്നു. പ്രാഥമിക വിദ്യാഭ്യാസം പോലും നേടാത്ത ഒരു വ്യക്തി. അദ്ദേഹത്തിന്‍റെ ചികിത്സാ കേന്ദ്രം ബ്രഹ്മധര്‍മ്മാലയം എന്നാണ് അറിയപ്പെടുന്നത്.
മനുഷ്യന്‍റെ പൂര്‍വ്വ ജന്മത്തിലെ ചെയ്തികളാണ് ഈ ജന്മത്തിലുള്ള എല്ലാ രോഗങ്ങള്‍ക്കും ദുരിതങ്ങള്‍ക്കും കാരണമെന്നാണ് രവി മാസ്റ്റര്‍ പറയുന്നു. പ്രാര്‍ത്ഥിക്കുന്ന സമയത്ത് തനിക്ക് എല്ലാ ദൈവങ്ങളുമായും സംസാരിക്കാന്‍ ആവുമെന്നാണ് അദ്ദേഹം പറയുന്നത്. പക്ഷെ, അദ്ദേഹം വിശ്വാസികളോട് ആണയിട്ടു പറയുന്നു & ഞാനൊരു ആള്‍ ദൈവമല്ല, ജനങ്ങളെ സേവിക്കുക എന്നത് തന്‍റെ ജന്മദൌത്യമായാണ് കാണുന്നത്.
ബ്രഹ്മജ്ഞാനം അഥവാ ആത്മീയ ശക്തി ഉപയോഗിച്ചുള്ള ചികിത്സയില്‍ മരുന്നുകളൊന്നും ഉപയോഗിക്കുന്നില്ല. തനിക്ക് ഏതു തരം രോഗങ്ങളും എത്ര പഴകിയതായാലും രോഗിയെ തൊട്ടുകൊണ്ട് മാത്രം ഭേദമാക്കാന്‍ ആവുമെന്നാണ് രവി മാസ്റ്റര്‍ അവകാശപ്പെടുന്നത്.
FILE
FILE
കൈയില്‍ നിന്നും പ്രവഹിക്കുന്ന ബ്രഹ്മശക്തിയാണ് രോഗങ്ങള്‍ ഇല്ലാതാക്കുന്നത്. ഏറ്റവും പഴകിയ സോറിയാസിസ് എന്ന ഭീകര ത്വക് രോഗം രവി മാസ്റ്റര്‍ നിസ്സാരമായി ഭേദമാക്കുന്നു. അലോപ്പതിയില്‍ ഈ രോഗത്തിന് ഫലപ്രദമായ ചികിത്സയില്ല എന്നതാണ് അവസ്ഥ.
FILE
FILE
ചങ്ങനാശേരിയിലെ ബ്രഹ്മചികിത്സാ കേന്ദ്രത്തില്‍ രവി മാസ്റ്ററുടെ സ്പര്‍ശന ചികിത്സയ്ക്കായി നൂറുകണക്കിന് രോഗികളാണ് എത്തുന്നത്. ഇക്കൂട്ടത്തില്‍ മാറാ രോഗമുള്ളവരും എഴുന്നേല്‍ക്കാനും നടക്കാനും വയ്യാത്തവരും മാനസിക രോഗികളും മദ്യാസക്തരും എല്ലാം പെടുന്നു. മദ്യത്തിന് അടിമയായവര്‍ക്ക് രവി മാസ്റ്ററുടെ മുമ്പില്‍ നില്‍ക്കാന്‍ പോലും കഴിയില്ല.
അതിനു കാരണം അദ്ദേഹത്തിന്‍റെ കൈയില്‍ നിന്നും പ്രവഹിക്കുന്ന ബ്രഹ്മശക്തിയാണ്.
നെഗറ്റിവിറ്റിയാണ് ഇത്തരം വിഭ്രമങ്ങളും മാനസികവും ശാരീരികവുമായ അടിമത്തങ്ങളും രോഗങ്ങളും ഉണ്ടാക്കുന്നത്. രവി മാസ്റ്ററെ കാണാനെത്തിയ അക്രമാസക്തനായ ഒരു മാനസിക രോഗിയെ സ്പര്‍ശനം കൊണ്ട് മാത്രം അദ്ദേഹം ശാന്തനാക്കുന്നത് ഞങ്ങള്‍ക്ക് കാണാന്‍ കഴിഞ്ഞു.
രവി മാസ്റ്റര്‍ ബ്രഹ്മഗുരു ആയതെങ്ങനെ ?
കോട്ടയത്ത് തിരുവഞ്ചൂരില്‍ 1953 ലാണ് രവി മാസ്റ്റര്‍ ജനിച്ചത്. ചെറുപ്പത്തിലേ തന്നെ ഭാവി പ്രവചിക്കാനുള്ള അദ്ദേഹത്തിന്‍റെ കഴിവ് കൂട്ടുകാരെ അത്ഭുതപ്പെടുത്തിയിരുന്നു. ജീവിക്കാനായി അദ്ദേഹം ഒരു തയ്യല്‍ക്കാരനായി മാറി. ആ രംഗത്ത് മികവും പുലര്‍ത്തി.
FILE
FILE
ചങ്ങനാശേരി മാമൂട്ടിലെ മോളിക്കുട്ടി എന്ന കൃസ്ത്യന്‍ യുവതിയെ അദ്ദേഹം വിവാഹം ചെയ്തു. 1980 ല്‍ ആദ്യത്തെ കുഞ്ഞ് പിറന്നപ്പോള്‍ അവരുടെ ജീവിതത്തില്‍ വൈഷമ്യങ്ങള്‍ അനുഭവപ്പെട്ടു. കുഞ്ഞിന് മുക്കാല്‍ കിലോ തൂക്കമേ ഉണ്ടായിരുന്നുള്ളു. കുഞ്ഞ് വളരാന്‍ തുടങ്ങിയപ്പോള്‍ മനസിലായി അതിന് കാഴ്ചക്കുറവ് ഉണ്ടെന്നും നടക്കാനാവില്ലെന്നും.
FILE
FILE
അലോപ്പതി ഡോക്ടര്‍മാര്‍ കൈയൊഴിഞ്ഞപ്പോള്‍ പ്രാര്‍ത്ഥന മാത്രമായിരുന്നു ഇവരുടെ മുമ്പിലുള്ള വഴി. 1993 ജനുവരിയില്‍ രവി മാസ്റ്ററുടെ ജീവിതം മാറ്റിമറിച്ച സംഭവം ഉണ്ടായി. ഒരു ദിവസം അദ്ദേഹം സന്ധ്യാ ദീപം കൊളുത്താന്‍ തുടങ്ങുകയായിരുന്നു. പെട്ടന്ന് ആകാശത്തു നിന്ന് ഇടിയോടു കൂടി ഒരു മിന്നല്‍ വന്ന് അദ്ദേഹത്തിന്‍റെ ശരീരത്തില്‍ പ്രവേശിച്ചു. അമ്പരന്ന് നില്‍ക്കവേ ഒരു ശബ്ദം കേള്‍ക്കുന്നതായി അദ്ദേഹത്തിനു തോന്നി.
പേടിക്കേണ്ട, പരിഭ്രമിക്കേണ്ട, ഞാന്‍ ബ്രഹ്മമാണ്. ജീവിതാധാരമായ ശക്തി, ഞാനിപ്പോള്‍ നിന്നില്‍ പ്രവേശിച്ചിരിക്കുകയാണ്. നിന്നിലൂടെ അവശതയും ദുരിതവും അനുഭവിക്കുന്ന ആയിരക്കണക്കിന് രോഗികള്‍ക്ക് ആശ്വാസം ഏകാനാവും. വരും ദിവസങ്ങളില്‍ പലരുടേയും രോഗം മാറ്റാനും അവര്‍ക്ക് ശാന്തിയേകാനും നിനക്കാവും. നിന്‍റെ കുഞ്ഞിന്‍റെ അസുഖങ്ങള്‍ ഉടനേ മാറിക്കിട്ടും, കാഴ്ച ശക്തി കിട്ടും, നടക്കാനാവും.
ആദ്യം രവി മാസ്റ്റര്‍ക്ക് ഒന്നും വിശ്വസിക്കാനായില്ല. നാലാം ദിവസം കുഞ്ഞ് നടന്നു തുടങ്ങിയപ്പോഴാണ് ശക്തിയില്‍ വിശ്വാസം വന്നത്. അതില്‍ പിന്നെ എല്ലാം ബ്രഹ്മശക്തിയുടെ ഇച്ഛാനുസരണം രവി മാസ്റ്റര്‍ ചെയ്തുപോരാന്‍ തുടങ്ങി
നെഗറ്റിവിറ്റി കൊണ്ട് (പ്രതികൂല ഊര്‍ജ്ജം കൊണ്ട്) ദു:ഖവും ദുരിതവും രോഗ പീഢകളും അനുഭവിക്കുന്നവരും അര്‍ബ്ബുദം, സോറിയാസിസ് തുടങ്ങിയ മാറാ വ്യാധികള്‍ ബാധിച്ചവരും രവി മാസ്റ്ററെ തേടിയെത്തി ബ്രഹ്മജ്നാന ചികിത്സയിലൂടെ ആശ്വാസം കണ്ടെത്തി.
FILE
FILE
രവി മാസ്റ്റര്‍ ഈ ചികിത്സ നടത്തുന്നത് മനുഷ്യരാശിയോടുള്ള സേവനമായിട്ടാണ്, തീര്‍ത്തും സൌജന്യമാണ് ചികിത്സ. ഏതാണ്ട് എട്ട് ലക്ഷത്തിലേറേ ആളുകള്‍ ഈ ചികിത്സയുടെ ഗുണഫലങ്ങള്‍ ഏറ്റുവാങ്ങിയിട്ടുണ്ടെന്നാണ് കരുതുന്നത്.
ബ്രഹ്മതീര്‍ത്ഥം
FILE
FILE
ഔഷധങ്ങള്‍ ഒന്നും നല്‍കാറില്ലെങ്കിലും വര്‍ഷത്തില്‍ ഒരിക്കല്‍ രവി മാസ്റ്റര്‍ ബ്രഹ്മതീര്‍ത്ഥം വിശ്വാസികള്‍ക്ക് നല്‍കാറുണ്ട്. ബ്രഹ്മതീര്‍ത്ഥം നല്‍കേണ്ട തീയതിയെ കുറിച്ച് അദ്ദേഹത്തിന് ആശ്രമത്തിലെ സ്വയംഭൂ ദീപത്തില്‍ നിന്നും അറിവു കിട്ടും. ആ ദിവസം അദ്ദേഹം വിശ്വാസികളെ അറിയിക്കും. അന്ന് നവഗ്രഹ ശക്തിയും ബ്രഹ്മഗുരുവിന്‍റെ ശരീരത്തിലേക്ക് ആവാഹിക്കപ്പെടും. അദ്ദേഹം അത് തീര്‍ത്ഥ ജലത്തിലേക്ക് പകരും.
പിന്നീട് അവിടെയെത്തുന്ന എല്ലാ വിശ്വാസികള്‍ക്കും തീര്‍ത്ഥം നല്‍കുകയും ചെയ്യും. ബ്രഹ്മ തീര്‍ത്ഥം പാനം ചെയ്യുന്നവരുടെ ആത്മാവും ശരീരവും പരിപൂതമാവുകയും പൂര്‍ണ്ണ മനുഷ്യരായി തീരുകയും ചെയ്യുന്നു. അവര്‍ക്ക് രോഗങ്ങളില്‍ നിന്ന് വിമുക്തിയുണ്ടാവും.
മരണാനന്തരം ചില ആത്മാക്കളെ കലി പിടികൂടുന്നു. മറ്റുള്ളവര്‍ ചന്ദ്രമണ്ഡലത്തില്‍ എത്തുന്നു. ഈ തീര്‍ത്ഥം സേവിക്കുന്നവര്‍ക്ക് മരണാനന്തര കര്‍മ്മങ്ങള്‍ പോലും ചെയ്യേണ്ടതില്ല എന്നാണ് രവി മാസ്റ്റര്‍ പറയുന്നത്. കാരണം അവര്‍ നേരിട്ട് സ്വര്‍ഗ്ഗത്തിലെത്തുന്നു.
FILE
FILE
ആധുനിക വൈദ്യ ശാസ്ത്രം ഇത്തരം ചികിത്സാ രീതികളെ അംഗീകരിക്കുന്നില്ല. മറ്റു ചിലര്‍ ഇതിനെ അള്‍ട്ടെര്‍നേറ്റീവ് മെഡിസിന്‍റെ ഒരു ശാഖയായി കാണുന്നു. സ്പര്‍ശനം കൊണ്ടും തീര്‍ത്ഥപാനം കൊണ്ടും രോഗം മാറുമെന്ന് നിങ്ങള്‍ കരുതുന്നുണ്ടോ ?.... ഞങ്ങള്‍ക്കെഴുതുക....
