ഹൈദരബാദിന്റെ പേരുകേട്ട ബാറ്റിങ് നിരയ്‌ക്കെതിരെ നാല് ഓവറില്‍ 34 റണ്‍സ് വഴങ്ങിയാണ് താക്കൂര്‍ നാല് വിക്കറ്റ് വീഴ്ത്തിയത്. ശര്‍ദുല്‍ തന്നെയാണ് കളിയിലെ താരവും. ലീഗിലെ രണ്ട് മത്സരങ്ങള്‍ പൂര്‍ത്തിയാകുമ്പോള്‍ ആറ് വിക്കറ്റുകളുമായി പര്‍പ്പിള്‍ ക്യാപ്പ് ഉടമയാണ് താക്കൂര്‍. ഇതുവരെ ആറ് ഓവറില്‍ വിട്ടുകൊടുത്തത് 36 റണ്‍സും.
' ഇതെല്ലാം ക്രിക്കറ്റില്‍ സംഭവിക്കുന്ന കാര്യങ്ങളാണ്. താരലേലം നടന്ന ദിവസം എനിക്കൊരു മോശം ദിവസമായിരുന്നു. ഒരു ഫ്രാഞ്ചൈസും എന്നെ സ്വന്തമാക്കിയില്ല. ബൗളര്‍മാരുടെ പരുക്കിനെ തുടര്‍ന്ന് എന്നെ ആദ്യം സമീപിച്ചത് ലഖ്‌നൗ ആണ്. ഞാന്‍ ആ അവസരം സ്വീകരിച്ചു. കളി ജയിക്കുകയാണ് എന്നെ സംബന്ധിച്ചിടുത്തോളം ഏറ്റവും വലുത്, അല്ലാതെ വിക്കറ്റുകളുടെയും റണ്‍സുകളുടെയും കോളം നോക്കാറില്ല,' താക്കൂര്‍ പറഞ്ഞു.
