Royal Challengers Bengaluru: ഹേസൽവുഡ് തിരിച്ചെത്തും, നെറ്റ്സിൽ പ്രാക്ടീസ് നടത്തി രജത് പാട്ടീധാർ, ആർസിബിക്ക് ആശ്വാസം
കൊല്‍ക്കത്ത നൈറ്റ് റൈഡേഴ്‌സിനെതിരായ നിര്‍ണായക മത്സരത്തിന് 2 ദിവസം മുന്‍പെയാണ് പാട്ടീധാര്‍ പരിശീലനത്തിനെത്തിയത്. ഇന്നലെ ത്രോഡൗണുകള്‍ നേരിട്ട പാട്ടീധാര്‍ പൂര്‍ണ്ണ ബാറ്റിംഗ് പരിശീലനം നടത്തിയെന്നാണ് റിപ്പോര്‍ട്ടുകള്‍. ഇന്ത്യ- പാക് സംഘര്‍ഷത്തിനിടെ തുടര്‍ന്ന് വിദേശതാരങ്ങള്‍ നാട്ടിലേക്ക് മടങ്ങിയതോടെ ശേഷിക്കുന്ന മത്സരങ്ങളില്‍ പല പ്രധാന താരങ്ങളെയും ടീമുകള്‍ക്ക് നഷ്ടമാകും.അതേസമയം ആര്‍സിബി ബൗളിങ്ങിന്റെ കുന്തമുനയായ ജോഷ് ഹേസല്‍വുഡ് ഐപിഎല്ലില്‍ തിരിച്ചെത്തുമെന്നാണ് റിപ്പോര്‍ട്ടുകള്‍ പറയുന്നത്. ഇംഗ്ലണ്ട്- വെസ്റ്റിന്‍ഡീസ് മത്സരങ്ങള്‍ 27ന് തുടങ്ങുമെങ്കിലും റോമരിയോ ഷെപ്പേര്‍ഡും ആര്‍സിബി ടീമില്‍ തുടരുമെന്നാണ് റിപ്പോര്‍ട്ടുകള്‍ പറയുന്നത്.
