സീനിയര്‍ താരത്തോട് കോപിച്ച് ഹാര്‍ദിക് പാണ്ഡ്യ; ഒന്നും മിണ്ടാതെ മുഹമ്മദ് ഷമി (വീഡിയോ)

സണ്‍റൈസേഴ്‌സ് ഹൈദരബാദിനെതിരായ മത്സരത്തില്‍ സീനിയര്‍ താരവും ടീം അംഗവുമായ മുഹമ്മദ് ഷമിയോട് കോപിച്ച് ഗുജറാത്ത് ടൈറ്റന്‍സ് നായകന്‍ ഹാര്‍ദിക് പാണ്ഡ്യ. ക്യാച്ച് നഷ്ടപ്പെടുത്തിയതിനാണ് ഷമിയോട് ഹാര്‍ദിക് ചൂടായത്. 

സണ്‍റൈസേഴ്‌സ് ബാറ്റ് ചെയ്യുമ്പോള്‍ 13-ാം ഓവറിലാണ് സംഭവം. ഹാര്‍ദിക് പാണ്ഡ്യയായിരുന്നു പന്തെറിഞ്ഞിരുന്നത്. രാഹുല്‍ ത്രിപതിയായിരുന്നു ബാറ്റ് ചെയ്തിരുന്നത്. 13-ാം ഓവറിലെ അവസാന പന്ത് അപ്പര്‍ കട്ടിനായി ശ്രമിച്ച ത്രിപതിക്ക് പിഴച്ചു. ഡീപ് തേര്‍ഡ് മാനില്‍ ക്യാച്ചിനുള്ള അവസരമായി. ഷമിയായിരുന്നു അവിടെ ഫീല്‍ഡര്‍. ആ ക്യാച്ച് ഷമി നഷ്ടപ്പെടുത്തി. ഉടനെ തന്നെ നിയന്ത്രണം വിട്ട പാണ്ഡ്യ ഷമിയെ ഒരുപാട് വഴക്ക് പറഞ്ഞു. ഇതെല്ലാം കേട്ട് മിണ്ടാതെ നില്‍ക്കുകയാണ് ഷമി ചെയ്തത്. വീഡിയോ സോഷ്യല്‍ മീഡിയയില്‍ വൈറലായിട്ടുണ്ട്. 

Dear Hardik, you are a terrible captain. Stop taking it out on your teammates, particularly someone as senior as Shami. #IPL #IPL2022 #GTvsSRH pic.twitter.com/9yoLpslco7

— Bodhisattva #DalitLivesMatter (@insenroy) April 11, 2022

അതേസമയം, പാണ്ഡ്യക്കെതിരെ ആരാധകര്‍ രംഗത്തെത്തി. മുതിര്‍ന്ന താരത്തോട് വളരെ മോശമായാണ് പാണ്ഡ്യ പെരുമാറിയതെന്ന് ആരാധകര്‍ കുറ്റപ്പെടുത്തി.