മകന്‍ മുസ്ലീം യുവതിയെ വിവാഹം ചെയ്തതിന് എഴുപതുവയസുകാരിയായ അമ്മയെ ക്രൂരമായി മര്‍ദ്ദിച്ച് വിവസ്ത്രയാക്കി പൊതുനിരത്തിലൂടെ നടത്തിച്ചു. ഇജിപ്തിലാണ് ഈ ക്രൂരമായ സംഭവം നടന്നത്. ഗ്രാമത്തിലെ മുന്നൂറോളം വരുന്ന മുസ്ലീങ്ങള്‍ വീടുകള്‍ അക്രമികള്‍ തീയിട്ടു നശിപ്പിച്ചു. ഇത് പ്രദേശത്ത് വലിയ സംഘര്‍ഷാവസ്ഥയ്ക്ക് കാരണമായിട്ടുണ്ട്.
മെയ് ഇരുപതിനാണ് സംഭവങ്ങളുടെ തുടക്കം. ക്രിസ്ത്യന്‍ യുവാവ് മുസ്ലീം യുവതിയെ വിവാഹം കഴിച്ചതിനെതിരെ ഒരു സംഘം ആളുകള്‍ പ്രതിഷേധവുമായി രംഗത്തിറങ്ങുകയായിരുന്നു. അക്രമണത്തിനെതിരെ നാട്ടുകാര്‍ പൊലീസില്‍ പരാതിപ്പെട്ടെങ്കിലും രണ്ടു മണിക്കൂറുകള്‍ക്ക് ശേഷമാണ് ഇതിനെതിരെ നടപടിയുണ്ടായതെന്നും ആരോപണമുണ്ട്. പൊലീസ് സ്ഥലത്തെത്തിയപ്പോളേക്കും നിരവധിവീടുകള്‍ അക്രമികള്‍ അഗ്നിക്കിരയാക്കിയിരുന്നു.
നിരവധി ക്രസ്ത്യന്‍, മുസ്ലീം കുടുംബങ്ങള്‍ താമസിക്കുന്ന പ്രദേശത്താണ് ഇത്തരത്തിലൊരു സംഭവം അരങ്ങേറിയിരിക്കുന്നത്. ഇത് രണ്ടു വിഭാഗങ്ങിലേയും നിരവധി കുടുംബങ്ങളെ ഭീതിയിലാഴ്ത്തിയിട്ടുണ്ട്. ക്രിസ്ത്യന്‍ കുടുംബത്തില്‍ നിന്നുള്ള പലരും വീട്ടില്‍ നിന്നും പുറത്തിറങ്ങാന്‍ ഭയക്കുന്നതായും വിവരമുണ്ട്. സംഭവത്തിന് ശേഷം ഇവര്‍ പള്ളി അധികാരികളെ കണ്ട് വിഷയത്തിന്റെ ഗൗരവം ബോധിപ്പിച്ചു. മധ്യവയസ്‌കയെ മര്‍ദ്ദിച്ച സംഘത്തിനെതിരെ നടപടിയെടുക്കാന്‍ പൊലീസ് തയ്യാറാകണമെന്നും ഇത്തരത്തിലുള്ള സംഭവങ്ങള്‍ ആവര്‍ത്തിക്കാതിരിക്കാന്‍ നടപടി ശക്തമാക്കണമെന്നും പള്ളി അധികൃതര്‍ ആവശ്യപ്പെട്ടു.