കാറിലെത്തിയയാള്‍ നടത്തിയ വെടിവെപ്പില്‍ യു എസിലെ മിഷിഗണില്‍ ആറുപേര്‍ കൊല്ലപ്പെട്ടു. മിഷിഗണില്‍ കലാമസൂ പട്ടണത്തിൽ ആണ് ക്രൂരമായ നരഹത്യ നടന്നത്. ഇന്ത്യന്‍ സമയം ശനിയാഴ്ച രാത്രി ആയിരുന്നു സംഭവം.
നാലുപേർ ഒരു റസ്റ്ററൻറിലും രണ്ടുപേർ കാർ ഷോപ്പിലുമാണ് കൊല്ലപ്പെട്ടത്. വെടിവെപ്പില്‍ മൂന്നുപേർക്ക് പരുക്കേറ്റു. ഇതിൽ രണ്ടാളുടെ നില ഗുരുതരമാണ്. കാറോടിച്ചു കൊണ്ടിരിക്കെയാണ് അക്രമി വെടിവെച്ചതെന്ന് പൊലീസ് അറിയിച്ചു.
ഏതെങ്കിലും പ്രത്യേക ആൾക്കാരെ ലക്ഷ്യം വെച്ചുകൊണ്ടല്ല വെടിവെപ്പ് നടന്നതെന്ന് പൊലീസ് പറഞ്ഞു. ഷെവർലെ കാർ ഓടിച്ച വെളുത്ത വർഗക്കാരാനായ മധ്യവയസ്കനെ പൊലീസ് തെരയുന്നുണ്ടെന്ന് ബി ബി സി റിപ്പോർട്ട് ചെയ്തു.
