‘എന്റെ മേശപ്പുറത്തും ഉണ്ടൊരു ന്യൂക്ലിയര്‍ ബട്ടണ്‍’; കിം ജോംഗ് ഉന്നിന് ട്രംപിന്റെ മറുപടി

ഉത്തരകൊറിയന്‍ ഭരണാധികാരി കിം ജോംഗ് ഉന്നിന് മറുപടിയുമായി ട്രംപ്. കഴിഞ്ഞ ദിവസം ന്യൂക്ലിയര്‍ ബട്ടണ്‍ എപ്പോഴും എന്റെ മേശപ്പുറത്തുണ്ട് എന്ന് കിം ജോംഗ് ഉന്‍ അമേരിക്കയ്ക്ക് മുന്നറിയിപ്പ് നല്‍കിയിരുന്നു. ഇതിനെതിരെയാണ് ട്രംപ് രംഗത്ത് വന്നിരിക്കുന്നത്. 

എന്റെ മേശപ്പുറത്തും ഉണ്ടൊരു ന്യൂക്ലിയര്‍ ബട്ടണ്‍ എന്നാണ് അദ്ദേഹം പറഞ്ഞത്. ഇക്കഴിഞ്ഞ പുതുവര്‍ഷാഘോഷത്തിനിടെ ജനങ്ങളെ അഭിസംബോധന ചെയ്ത് സംസാരിക്കുമ്പോഴാണ് ഉത്തരകൊറിയന്‍ പ്രസിഡന്റായ കിം വിവാദപ്രസ്താവന നടത്തിയത്. വളരെയധികം ഉത്തരവാദിത്തമുള്ള സമാധാനകാംക്ഷികളാണ് ഉത്തരകൊറിയ എന്നും അമേരിക്കയെപ്പോലെ യുദ്ധക്കൊതിയന്‍മാരല്ല തങ്ങളെന്നും കിം ജോംഗ് ഉന്‍ പറഞ്ഞിരുന്നു.