പ്രമുഖ സ്മാര്‍ട്ട്ഫോണ്‍ നിര്‍മാതാക്കളായ സാംസങ്ങിനെ ഏറെ പ്രതിസന്ധിയിലാക്കിയ ഒരു മോഡലായിരുന്നു ഗ്യാലക്സി നോട്ട് 7. ഫോണുകള്‍ പൊട്ടിത്തെറിച്ചതിനെ തുടര്‍ന്ന് പ്രസ്തുത മോഡല്‍ വിപണിയില്‍ നിന്നും പിന്‍‌വലിക്കേണ്ടി വന്നു. മാത്രമല്ല, വിമാനങ്ങളില്‍ യാത്രചെയ്യുന്നവര്‍ക്ക് ഗ്യാലക്സി നോട്ട് 7 ന് വിലക്കും ഏർപ്പെടുത്തി.
സ്പെയിനിൽ നിന്നുള്ള വിമാനത്തിലാണ് ഈ പുതിയ ഹാൻഡ്സെറ്റ് 200 യാത്രക്കാർക്ക് സൌജന്യമായി നൽകിയത്. ഒരു കാരണവശാലും പുതിയ മോഡല്‍ പൊട്ടിത്തെറിക്കില്ലെന്നും എല്ലാം കൊണ്ടും സുരക്ഷിതമാണെന്നും ബോധ്യപ്പെടുത്തുന്നതിനു വേണ്ടിയായിരുന്നു ഏകദേശം 64,000 രൂപ വിലവരുന്ന ഗ്യാലക്സി നോട്ട് 8 വിതരണം ചെയ്തത്.
