ഉണ്ണിയെ തട്ടിയെടുത്ത ഭൂതത്തിനു മുന്നില്‍ ഉഗ്രരൂപിണിയായി മാറുന്ന നങ്ങേലിയുടെ കഥ കേട്ടിട്ടില്ലേ..? വെറും പാവം വീട്ടമ്മയായ നങ്ങേലി സ്വന്തം കുഞ്ഞിന് ആപത്ത് വന്നപ്പോള്‍ ഭൂതത്തിനെ പോലും നേരിട്ടു. നങ്ങേലിയ്ക്ക് മാത്രമല്ല എലിയ്ക്കും തന്‍ കുഞ്ഞ് പൊന്‍കുഞ്ഞാണെന്ന് ഇതാ ഈ വീഡിയോ പറയും.
സ്വന്തം കുഞ്ഞിനെ വിഴുങ്ങാന്‍ വന്ന പാമ്പിനെ കടിച്ച് ഓടിച്ച് രക്ഷിക്കുന്ന അമ്മ എലിയുടെ വീഡിയോ നവമാധ്യങ്ങളില്‍ താരമാകുന്നത്. പാമ്പിന്റെ വായില്‍ കുഞ്ഞ് അകപ്പെട്ടത് കണ്ടതോടെ അമ്മ എലി ചാടി വീഴുകയായിരുന്നു. പാമ്പിന്റെ വാലില്‍ തലങ്ങും വിലങ്ങും കടിച്ച് ഓടിച്ചു. ജീവനോടെ കുഞ്ഞിനെ രക്ഷിച്ച് മാളത്തിലേക്ക് കൂട്ടികൊണ്ടുപോവുകയും ചെയ്തു.