മെസ്സിയുടെ വിരമിക്കൽ പ്രഖ്യാപനത്തോടെ ഞെട്ടിയത് ആരാധകർ മാത്രമല്ല, ഫുട്ബോൾ ലോകം കൂടിയാണ്. അർജന്റീനയുടെ ഇതിഹാസ താരം ഡീഗോ മാറഡോണ മുതൽ പ്രസിഡറ്റ് മൗറീസ്യൊ മക്രി വരെ ഇക്കൂട്ടത്തിലുണ്ട്. വിമർശകരുടെ അഭിപ്രായങ്ങൾ കാര്യമാക്കേണ്ടെന്നും ടീമിന്റെ പ്രകടനത്തിൽ അഭിമാനിക്കുന്നുവെന്നും തീരുമാനം മാറ്റണമെന്നും മക്രി മെസ്സിയെ ഫോണിൽ വിളിച്ചറിയിച്ചു.
മെസ്സി അർജന്റീന റ്റീമിൽ തന്നെ നിൽക്കണം, അവൻ കളിച്ച് ലോകകപ്പ് നേടണം,ചിലിയോടേറ്റ തോൽവിയിൽ മെസ്സിയെ കുറ്റപ്പെടുത്തുന്നത് ശരിയല്ലെന്നും മറഡോണ മാധ്യമപ്രവർത്തകരോട് പറഞ്ഞിരുന്നു. അർജന്റീന കോപ്പ അമേരിക്കയിൽ ചിലിയോട് തോറ്റുവെന്ന വാർത്തയേക്കാൾ ആരാധകരെ വേദനിപ്പിച്ചത് മെസ്സിയുറ്റെ വിരമിക്കൽ വാർത്തയായിരുന്നു. ഓരോ ഫുട്ബോൾ പ്രേമികളും ആഗ്രഹിക്കുന്നത് പത്താംനമ്പർ ജേഴ്സിയിട്ട് മെസ്സി ഇനിയും കളിക്കളത്തിലേക്കിറങ്ങണമെന്നാണ്.
