ന്യൂയോര്‍ക്കിലും എബോള ബാധ. എബോള വൈറസ് രോഗം പടര്‍ന്നുപിടിച്ച പശ്ചിമ ആഫ്രിക്കയിലെ ഗ്വിനിയയില്‍ രോഗികളെ ശുശ്രൂഷിച്ച ശേഷം ന്യുയോര്‍ക്കില്‍ മടങ്ങിയെത്തിയ ഡോക്ടര്‍ക്കും രോഗം സ്ഥിരീകരിച്ചു. ക്രെയ്ഗ് സ്‌പെന്‍സര്‍ എന്ന ഡോക്ടര്‍ക്കാണ് രോഗബാധയുണ്ടായത്. വ്യാഴാഴ്ച നടത്തിയ പ്രാഥമിക പരിശോധനയിലാണ് രോഗലക്ഷണങ്ങള്‍ കണ്ടെത്തിയത്. ഇതേതുടര്‍ന്ന് ബെല്ലെവ്യൂ ഹോസ്പിറ്റല്‍ സെന്ററില്‍ പ്രവേശിപ്പിച്ച ഡോക്ടറെ പ്രത്യേകം നിരീക്ഷിച്ചുവരികയാണ്.
